II Ho 13:7 - Sơ̆p Hlabơar Nơ̆r 'Bok Kei-Dei

⁷ Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

II Ho 13:7 ပူးပေါင်းရင်းမြစ်များ

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

II Ho 10:16

Wă đĭ-đăng kon pơlei Isơrael 'bôh pơtao Rêhôbôam ưh pă iŏk nơ̆r lu sư boih, lu sư tơl pơtao. “Lu nhôn hăm đei kiơ lăm Đawit? Lu nhôn hăm đei kiơ hăm kon drŏ-nglo Jese Ơ kon pơlei Isơrael wih brŏk bĕ tơ hnam lu iĕm. Ơ Đawit lăng bĕ hnam ih kơdih,” Na đĭ-đăng kon pơlei wih đĭ tơ hnam lu sư.

II Ho 12:13

Thoi noh pơtao Rêhôbôam pơm kơ sư kơdih kơjăp oei lăm pơlei Jêrusalem, Rêhôbôam 'nao puăn-jĭt mônh sơnăm kơplah sư pơm pơtao, sư pơgơ̆r lăm mơjĭt-tơpơh sơnăm lăm pơlei Jêrusalem, pơlei mă Kră Yang đei rơih iŏk đơ̆ng lăm adrĕch Isơrael, wă 'măn anăn Sư tơ noh; mĕ Rêhôbôam anăn Naama, bơngai Ammôn.

Jop 30:8

Lu adrĕch ưh kơ gơh yua anăn sơnăm ưh kơ đei. Đe areh teh pơpuh tơlĕch lê̆ đơ̆ng lăm char.

Horiso 26:4

Inh ưh kơ ngôi hơdai hăm lu bơngai hơlĕnh pơdăr, Kŭm ưh kơ wă pơgơ̆p hơdai hăm lu bơngai chă pơm pơrŏ 'nguaih.

Tơdrông Pơđơk 12:11

Bơngai bu choh jang mir na gô đei tơmam sa rơkah rơkai. Bơngai bu kiơ̆ chă tơdrong kơđei oei kơ'bah tơdrong hlôh wao.

Tơdrông Pơđơk 28:19

Bơngai bu choh mir 'ba gô đei sa rơkah rơkai. Bơngai bu hơlah noh gô hoh răm.

Bôk Bơthô 10:16

Răm-'băm tơpă kơ dêh char ayơ đei pơtao oei 'lơ̆p păng lu yŏng pơgơ̆r hăt kơ et sa pơrŏ đơ̆ng pơgê hrôih.

Êsai 3:4

Inh gô ăn kơ lu nge pơm yŏng lu sư, lu hơ'lơ̆p gô pơgơ̆r lu sư.

Jang 17:5

Lu bơngai Juđê mơ'nah ưh kơ lui, lu sư 'nhĕng bre Pôl păng Silas. Na lu sư năm krao pơhlŭ lu bơngai pơm kơnê̆ kơ đe. Lu bơngai pơm kơnê̆ ei lăm pơlei sư mơ̆n na lu bơngai pơm kơnê̆ kơ đe ei pơtrŭt lu kon pơlei pơla năm bơwang hnam Jason wă chă bre Pôl păng Silas, wă dui anhăk ba tơ'bơ̆p 'bơ̆t anăp kon pơlei pơla.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Tit 1:10

Đei lơ bơngai ưh kơ chu lui tơdrong bơ̆n bơtho. Lu sư pơma bơtho ưh kơ yua kiơ, sư pơma pơsôm kơ đe đĕch. Mă loi bơngai Juđê boih mơ'nah, sư khan sư lui kơ Kră Yang Yêsu Krist boih mă sư oei pơm thoi noh.

Hêbrơ 5:12

Iĕm lui đunh boih, trŏ kơ iĕm pơm 'bok bơtho, bơtho lu bơngai nai dơ̆ng, mă iĕm âu oei kăl kơ đe bơtho iĕm, dang đe bơtho tơdrong 'Bok Kei-Dei kơ lu bơngai 'nao lui. 'Noh inh băt kơ iĕm oei gĭt kơ đak toh đĕch, ưh tam gơh ăn kơ iĕm sa tơmam arăng ôh.

Lu 11:3

Đơ̆ng noh Jeptha kơdâu jăk ataih đơ̆ng lu 'nhŏng oh sư, sư oei lăm tơring Tôp; tơ noh đei lu bơngai pơm kơchu, lu sư pơm jơhngơ̆m đon păng Jeptha;

Lu 9:4

Lu sư ăn kơ Abimêlek tơpơh-jĭt hlak hu iŏk đơ̆ng lăm hnam yang Baal Bêrit; Abimêlek iŏk jên noh chă apah kơ lu bơngai răm-'băm pơm kư̆ kă kiơ̆ sư.

I Sam 22:2

Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.