II Ho 13:5 - Sơ̆p Hlabơar Nơ̆r 'Bok Kei-Dei

⁵ Đơ̆ng tơdrong pơgơ̆p 'boh, Kră Yang 'Bok Kei-Dei Isơrael đei jao boih dêh char Isơrael kơ Đawit păng lu kon drŏ-nglo sư ling-lang hlŏng hloi boih, lu iĕm ưh kơ băt hă?

II Ho 13:5 ပူးပေါင်းရင်းမြစ်များ

II Sam 10:13

Jôap hăm lu linh kiơ̆ sư năm tơblah hăm lu linh Siri, lu linh Siri thuơ chă kơdâu ôn.

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Ho 17:11

Truh năr ih wă tôch lôch năm oei hơdai hăm lu 'bok ih, Inh gô pôk hơtŏk minh 'nu pơtrơp ih, minh 'nu lăm lu kon drŏ-nglo ih pơtrơp đơ̆ng ih, păng Inh gô ăn kơ dêh char sư kơjăp.

I Ho 17:14

Inh gô pơm kơ sư kơjăp lăm hnam Inh hăm lăm dêh char pơtao Inh ling-lang, tang-dŏ pơtao sư gô kơjăp ling-lang.”

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

Ne 5:9

Inh khan dơ̆ng: “Tơdrong mă lu iĕm pơm noh ưh kơ 'lơ̆ng ôh hăm trŏ lu iĕm arih sa kiơ̆ trong băt hli yom kơ Kră Yang 'Bok Kei-Dei hli kơ lu bơngai ayăt che bơle hiĕk ăr kơ bơ̆n.

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Êsêkiên 43:24

Ih athei năm ba 'bơ̆t anăp Kră Yang, lu 'bok soi prôi 'boh tơ kơpal păng pơyơ̆r pơm tơmam soi 'buh ăn kơ Kră Yang.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Lêwi 2:13

Ih athei tah 'boh lăm dôm tơmam pơyơ̆r tơpŭng; 'nĕ ăn tơmam tơpŭng pơyơ̆r mă ưh kơ đei 'boh ôh. Yua kơ 'boh wă tơ'bôh kơ tơdrong pơgơ̆p hăm Kră Yang 'Bok Kei-Dei ih lăm dôm lu tơmam ih pơyơ̆r athei đei 'boh.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

II Pet 3:5

Lu sư pơma thoi noh yua kơ lu sư ưh kơ tơchĕng kơ tơdrong 'Bok Kei-Dei pơrăm teh đak sơ̆. Sơ̆ 'Bok Kei-Dei sơkat athei đei plĕnh teh, đei hloi tơpă. Sư sơkat athei đak pơjing teh, teh lĕch đơ̆ng đak tơpă.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:12

Na, Jese năm wơh bơngai năm krao iŏk sư. Muh măt akâu jăn sư hơbŏ 'lơ̆ng. Kră Yang khan kơ Samuel: 'Nâu boih; iung bĕ tuh đak rơmă kơ sư.