II Ho 12:5 - Sơ̆p Hlabơar Nơ̆r 'Bok Kei-Dei

⁵ Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 12:5 ပူးပေါင်းရင်းမြစ်များ

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

I Pot 12:22

Mă-lei nơ̆r Kră Yang 'Bok kei-Dei khan kơ Semaia bơngai Kră Yang 'Bok Kei-Dei wơh:

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 11:2

Mă-lei đei nơ̆r Kră Yang khan kơ Sêmaia, bơngai Kră Yang 'Bok Kei-Dei.

II Ho 12:15

Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 24:20

Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

Horiso 37:33

Kră Yang ưh kơ ăn sư lăm ti lu bơngai kơnê̆. Kŭm ưh kơ ăn đei jâu sư mơ̆n lăm năr sek tơlang.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 23:33

“Dah kon pơlei 'nâu, lu 'bok khan lê̆ adrol, lu 'bok soi jet ih: ‘Tơdrong trăp đơ̆ng Kră Yang noh kiơ?’ Ih athei khan kơ lu sư: ‘Lu iĕm boih tơdrong trăp. Inh gô tŭk lê̆ iĕm,’ ” Kră Yang khan.

Je 4:18

“Tơdrong iĕm oei arih sa păng iĕm đei pơm; ba tơdrong noh. 'Nâu đei truh kơ ih pơmat tơpă. Đơ̆ng tơdrong yoch kơnê̆ ih pơm! Tơdrong noh 'bet jĭ jơhngơ̆m iĕm.”

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’