II Ho 12:3 - Sơ̆p Hlabơar Nơ̆r 'Bok Kei-Dei

³ chĕp ba minh-rơbâu 'bar-hrĕng gre aseh păng tơdrâu-jĭt rơbâu 'nu linh hao aseh; kư̆m đei lu linh đơ̆ng char Libia, Sukki păng char Êthiôpi tŏk hơdai đơ̆ng Êyiptơ, lơ tơpă.

II Ho 12:3 ပူးပေါင်းရင်းမြစ်များ

II Sam 10:18

Mă-lei lu linh Siri thuơ kơdâu đơ̆ng anăp lu linh Isơrael, Đawit pơlôch lu linh Siri pơrăm tơpơh-hrĕng tŏ gre aseh, păng puăn-jĭt rơbâu 'nu lu linh bơngai Siri. Sobak yŏng pơgơ̆r linh Siri rơka hngăm dêh păng lôch hloi tơ noh.

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

II Ho 14:12

Kră Yang blah pơrăm kon pơlei Êthiôpi 'bơ̆t anăp kon pơlei Juđa păng pơtao Asa; khŭl linh Êthiôpi kơdâu đĭ.

II Ho 14:8

Asa đei pêng-hrĕng rơbâu linh đơ̆ng bơngai Juđa đei khêl tih păng tơju; đei 'bar-rơbâu 'nu linh đơ̆ng bơngai Bênjamin chĕp khêl iĕ păng hră; đĭ-đăng lu sư tă kơ linh nuih kơtang ngăl.

II Ho 14:9

Sêra, bơngai Êthiôpi năm blah bơngai Juđa chông ba minh-rơbâu rơbâu linh păng pêng-hrĕng tŏ gre aseh, lu sư năm truh tơ pơlei Marêsa.

II Ho 16:8

Lu linh Êthiôpi păng linh Libyan hăm trŏ nuih kơtang đei gre aseh păng lu linh hao aseh lơ dêh? Lei ră, pơtao gơnang kơ Kră Yang boih, na Sư jao lu linh noh lăm ti ih.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsêkiên 30:5

Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Da 11:43

Sư gô iŏk lơ tơmam gĭt, hu maih păng kư̆m iŏk pơđĭ tơmam gĭt đơ̆ng Êyiptơ; kon pơlei Libi păng kon pơlei Êthiôpi gô kiơ̆ đơ̆ng rŏng kơ sư.

Na 3:9

Char Êthiôpi, char Êyiptơ jing tơdrong pran kơtang sư. Char Phut păng char Libi jing buăl tơgŭm dŏng sư,

Tơdrông Tơ'bôh 9:16

Puăn 'nu yang ei đei linh lơ tơpă tă hao aseh ngăl, đe khan đei 'bar-hrĕng trĭu 'nu.

Lu 4:13

Sisêra akŭm đĭ gre aseh, đei tơsĭn-hrĕng tŏ gre aseh păng đĭ lu linh sư đơ̆ng pơlei Harôsêt Hagôim năm truh tơ thong đak krong Kisôn.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.