II Ho 12:14 - Sơ̆p Hlabơar Nơ̆r 'Bok Kei-Dei

¹⁴ Rêhôbôam pơm kơnê̆, yua kơ sư ưh kơ chơchă Kră Yang ôh lăm jơhngơ̆m sư.

II Ho 12:14 ပူးပေါင်းရင်းမြစ်များ

I Pot 14:22

Khŭl bơngai Juđa pơm yoch kơnê̆ 'bơ̆t anăp Kră Yang. Lu sư pơm yoch tơblĕk Kră Yang hloh kơ lu 'bok yă lu sư pơm sơ̆.

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

II Ho 11:16

Lăm adrĕch bơngai Isơrael, bu đei jơhngơ̆m chă Kră Yang 'Bok Kei-Dei Isơrael, lu sư kiơ̆ lu bơngai Lêwi, năm tơ Jêrusalem wă pơyơ̆r tơmam soi ăn kơ Kră Yang 'Bok Kei-Dei lu 'bok sư.

II Ho 19:3

Mă-lei lăm ih kư̆m đei tơdrong 'lơ̆ng, ih đei pơrăm lê̆ boih lu gơ̆ng rup yang Asêra đơ̆ng lăm char ih păng ih kư̆m đei pơkă wă chă Kră Yang 'Bok Kei-Dei!”

II Ho 30:19

“Hơpơi apinh Kră Yang Tơ'ngla dim, 'nĕ kơ jô̆ yo kơ lu bơngai mă đĭ jơhngơ̆m chă Kră Yang 'Bok Kei-Dei lu 'bok sư, mă khan lu sư tam kiơ̆ hơmet akâu kơdih rơgoh kiơ̆ thoi tơdrong juăt hnam akŭm rơgoh.”

Horiso 57:7

Ơ Kră Yang 'Bok Kei-Dei jơhngơ̆m inh kơjăp, jơhngơ̆m inh kơjăp boih. Inh gô hơri păng hơri bơnê Kơ Sư.

Horiso 78:37

Jơhngơ̆m lu sư ưh kơjăp păng Kră Yang. Lu sư kư̆m ưh kơ tơpăt lăm tơdrong pơgơ̆p Kră Yang 'Bok Kei-Dei tơtă.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.