II Ho 11:6 - Sơ̆p Hlabơar Nơ̆r 'Bok Kei-Dei

⁶ Sư man pơdơ̆ng pơlei Betlehem, Êtam, Têkôa,

II Ho 11:6 ပူးပေါင်းရင်းမြစ်များ

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

I Ho 4:3

'Nâu kon drŏ-nglo Êtam: Jêsreel Isma păng Ibas; oh drŏ-kăn lu sư anăn Haselepôni,

I Ho 4:32

Đei pơđăm tŏ pơlei iĕ jum dăr noh pơlei Êtam, Ain, Rimmôn, Tôken, păng Asan,

II Ho 11:5

Rêhôbôam oei lăm pơlei Jêrusalem pơdơ̆ng pơjing pơlei tih kơjăp lăm char Juđa.

II Ho 11:7

pơlei Bêt Sur, Sôkô, Ađulam,

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Ne 3:27

'Blă kơ bơngai noh đei lu bơngai pơlei Thêkô pơm hơmet minh pah nai tơklă hnam thôt kơjung păng truh tơ dur Ôphêl.

Ne 3:5

Tơtil lu đe noh, lu bơngai pơlei Têkôa man, mă-lei gah lu bơngai mơdrŏng lu sư kuă kơ bơ̆jang tơgŭm ôh kơ lu yŏng sư kơdih.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Lu 15:8

Sư iung bruh păng teh pơlôch đei lơ bơngai, na Samsơn jur oei tơ lăm hơgơp tơmo lăm pơlei Êtam.

I Sam 17:12

Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.