II Ho 11:17 - Sơ̆p Hlabơar Nơ̆r 'Bok Kei-Dei

¹⁷ Lăm pêng sơnăm sư bơwei char Juđa kơjăp tơgŭm Rêhôbôam, kon drŏ-nglo Sôlômôn, jing pran kơtang; tơpă lăm pêng sơnăm noh lu sư kiơ̆ trong Đawit păng Sôlômôn.

II Ho 11:17 ပူးပေါင်းရင်းမြစ်များ

II Ho 11:18

Rêhôbôam oei kơ Mahalat kon adruh Jêrimôt, sâu Đawit; sư kư̆m oei dơ̆ng kơ Abihai, kon adruh Êliap, sâu Jese.

II Ho 12:1

Wă Rêhôbôam pơgơ̆r dêh char sư pran kơjăp boih, na sư păng lu bơngai Isơrael kiơ̆ Sư achăng lê̆ ưh pă kiơ̆ khôi juăt Kră Yang.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.