II Ho 10:4 - Sơ̆p Hlabơar Nơ̆r 'Bok Kei-Dei

⁴ “'Bă ih tơpŭ ăn kơ lu nhôn tơdrong jang 'long ăt trăp dêh, dang ei ăn kơ lu nhôn pŭ 'long ăt phiơl 'biơ̆ bĕ, na lu nhôn gô bơ̆jang kơ ih.”

II Ho 10:4 ပူးပေါင်းရင်းမြစ်များ

I Pot 12:4

“'Bă ih tơ'băk ăn kơ nhôn 'long ăt trăp dêh, mă-lei dang ei apinh ih ăn kơ nhôn hơiơch 'biơ̆ dôm tơdrong jang gleh trăp păng 'long ăt trăp mă 'bă ih tơ'băk ăn kơ nhôn, na nhôn gô bơ̆jang kơ ih.”

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

I Pot 5:13

Pơtao Sôlômôn krao đĭ lu bơngai Isơrael, năm jang pơdŭ 'long đei pêng-jĭt rơbâu 'nu bơngai năm.

I Pot 5:15

Pơtao Sôlômôn đei tơpơh-jĭt rơbâu 'nu bơngai tung tôi, păng tơhngam-rơbâu 'nu bơngai teh tơmo kơpal kông.

I Pot 9:22

Mă-lei gah lu bơngai Isơrael, Sôlômôn ưh kơ rôp lu sư pơm đĭch ôh, lu sư pơm linh tơblah, mơ'nah pơm 'bok pơgơ̆r linh, mơ'nah pơm 'bok pơgơ̆r lu yŏng linh, mơ'nah wei-lăng lu bơngai hao gre aseh păng lu bơngai hao aseh.

II Ho 10:3

Đe wơh bơngai năm krao sư; na Jêrôbôam păng lu bơngai Isơrael năm khan kơ Rêhôbôam.

II Ho 10:5

Sư tơl đe noh khan: “Pă pêng năr, lu iĕm năm hơlơ̆k tơ inh dơ̆ng.” Lu kon pơlei wih brŏk.

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Mathiơ 23:4

Lu sư pơkă kơ iĕm lơ tơdrong juăt kiơ̆ kơ lu sư tơchĕng kơdih, kư̆m dang lĕ lu sư tơpŭ kơ iĕm tơmam trăp hloh kơ ai tơ̆p pă kĕ gơrŭn, dah wă kiơ̆ pơđĭ tơdrong juăt noh, iĕm ưh kơ kĕ ôh păng lu sư ưh kơ tơgŭm iĕm hơya tŏ sĕt.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.