II Ho 10:16 - Sơ̆p Hlabơar Nơ̆r 'Bok Kei-Dei

¹⁶ Wă đĭ-đăng kon pơlei Isơrael 'bôh pơtao Rêhôbôam ưh pă iŏk nơ̆r lu sư boih, lu sư tơl pơtao. “Lu nhôn hăm đei kiơ lăm Đawit? Lu nhôn hăm đei kiơ hăm kon drŏ-nglo Jese Ơ kon pơlei Isơrael wih brŏk bĕ tơ hnam lu iĕm. Ơ Đawit lăng bĕ hnam ih kơdih,” Na đĭ-đăng kon pơlei wih đĭ tơ hnam lu sư.

II Ho 10:16 ပူးပေါင်းရင်းမြစ်များ

II Sam 15:13

Đei bơngai năm roi tơbăt ăn kơ Đawit: “Kon pơlei Isơrael kiơ̆ khŭl Apsalôm.”

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

I Ho 17:14

Inh gô pơm kơ sư kơjăp lăm hnam Inh hăm lăm dêh char pơtao Inh ling-lang, tang-dŏ pơtao sư gô kơjăp ling-lang.”

II Ho 10:17

Mă-lei kon pơlei Isơrael mă oei lăm lu pơlei Juđa, Rêhôbôam oei pơgơ̆r lu sư.

II Ho 10:19

Lei na adrĕch Isơrael areh blah hăm adrĕch Đawit dĭng truh tơ dang ei.

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Yo 6:66

Đơ̆ng năr noh boih lơ bơngai achăng lê̆ Yêsu ưh pă kiơ̆ Sư dơ̆ng.

Yo 7:53

Klaih kơ noh đĭ-đăng lu sư brŏk tơklah tơ hnam kơdih.

Jang 2:30

'Bok pơtao Đawit bơngai khan lê̆ hơdrol. 'Bok Kei-Dei pơkă kơ sư khan, kon sâu sư ning-mônh gô pơm Pơtao kư̆m lei-lăi thoi sư sơ̆ mơ̆n.

I Kor 15:25

'Bok Kei-Dei ăn kơ Yêsu pơgơ̆r truh tơ Sư blah rôp ba dôm lu bơngai mă ayăt kơ Yêsu lê̆ tơ kơnơl jơ̆ng Sư.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Lu 8:35

Lu sư kư̆m ưh kơ đei jơhngơ̆m 'lơ̆ng tŏ sĕt hăm hnam Jêrup Baal noh Giđêôn, wă 'mong kơ dôm tơdrong hiôk 'lơ̆ng mă sư đei pơm boih kơ bơngai Isơrael.

I Sam 20:27

Mă-lei năr đơ̆ng rŏng, năr 'bar anih Đawit kư̆m ưh kơ đei bu dơ̆ng. Sôl khan kơ Jônathan kon drŏ-nglo sư: Yua kơ kiơ kon drŏ-nglo Jese ưh kơ năm sŏng sa hơdai năr brei păng năr 'nâu hloi?

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 22:9

Đôe bơngai Eđôm, wei pơgơ̆r lu đĭch đam Sôl tơl thoi âu: Inh 'bôh kon drŏ-nglo Jese năm tơ pơlei Nŏp, mơ̆t lăm hnam Ahimelek, kon drŏ-nglo Ahitup;