II Ho 10:15 - Sơ̆p Hlabơar Nơ̆r 'Bok Kei-Dei

¹⁵ Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

II Ho 10:15 ပူးပေါင်းရင်းမြစ်များ

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

I Pot 12:15

Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

I Pot 12:24

'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

I Pot 22:20

Kră Yang jet: ‘Bu gô năm pơhlŭ Ahap, wă kơ sư tŏk tơ Pơlei Ramôt Gileat, na pơ̆k lôch tơ noh?’ Đei mơ'nah tơl khan thoi âu, đei mơ'nah khan thoi noh.

II Ho 10:14

Kiơ̆ kơ nơ̆r lu kră mơlôh pơđâu, na pơtao khan kơ lu kon pơlei: 'Bă inh ăn kơ lu iĕm tôi 'long ăt trăp dang noh, inh gô ăn kơ lu iĕm tôi 'long ăt trăp hloh kơ noh dơ̆ng, 'bă inh teh phak lu iĕm hăm sơnguĕt, inh gô teh phak iĕm hăm hơguăt.”

II Ho 11:4

Kră Yang khan thoi âu: Lu iĕm lê̆ kơ năm tơblah hăm lu 'nhŏng oh iĕm ôh, wih brŏk tơ hnam iĕm bĕ, yua kơ tơdrong 'nâu lĕch đơ̆ng Inh.” Thoi noh lu sư chu kơ nơ̆r Kră Yang khan, wih brŏk kơdih ưh kơ đei năm tơblah hăm Jêrôbôam ôh.

II Ho 22:7

Tơdrong Ahasia năm lăng Jôram jĭ rơka noh đơ̆ng Kră Yang 'Bok Kei-Dei ăn wă phak sư; wă sư năm truh tơ noh, kiơ̆ Jôram năm tơ'bơ̆p Jêhu kon drŏ-nglo Nimsi, bơngai mă Kră Yang rơih, wă kơ sư năm blah pơrăm adrĕch Ahap.

II Ho 9:29

Đĭ-đăng tơdrong jang Sôlômôn pơm pơjing đơ̆ng blŭng truh tơ tôch đei chih tơ lăm sơ̆p hla bơar hơ'mon Nathan bơngai khan lê̆ adrol, lăm hla bơar Ahija bơngai khan lê̆ adrol, bơngai Silô, chih lăm sơ̆p hla bơar Iđô, 'bok mă đei khan lê̆ adrol gah tơdrong Jêrôbôam, kon drŏ-nglo Nêbat.

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Yo 19:24

Lu linh pơma băl tơduă lu sư khan: “Lu bơ̆n 'nĕ pă hek ao 'nâu, gô bơ̆n hlang lăng 'mơ̆i, na băt bu gơh iŏk.” 'Noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Lu sư hek asong băl hơbĕn ao Inh, klaih kơ 'noh hlang iŏk ao tai Inh.” Thoi noh lu linh pơm rok tơdrong 'noh.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.