II Ho 10:13 - Sơ̆p Hlabơar Nơ̆r 'Bok Kei-Dei

¹³ Pơtao Rêhôbôam tơl kon pơlei hăm nơ̆r arăng, ưh pă wă kiơ̆ boih kơ nơ̆r lu kră pơđâu,

II Ho 10:13 ပူးပေါင်းရင်းမြစ်များ

Bl 42:30

Bơngai mă oei pơm yŏng lăm char Êyiptơ pơma kơ lu nhôn khan lu nhôn năm chă dăr lăng char sư.

Bl 42:7

Jôsep 'bôh kơnăl kơ lu 'nhŏng sư; mă-lei sư pơm ưh kơ băt ôh kơ lu 'nhŏng sư, pơm pơma 'mơng kơ lu 'nhŏng: Lu iĕm đơ̆ng yơ? Lu sư tơl: Đơ̆ng dêh Kanaan truh tơ âu wă chă sa 'ba.

II Ho 10:12

Pêng năr đơ̆ng rŏng, Jêrôbôam păng đĭ kon pơlei năm dơ̆ng tơ Rêhôbôam kiơ̆ thoi pơtao đei pơkă pă pêng năr athei năm hơlơ̆k tơ inh âu dơ̆ng.

II Ho 10:14

Kiơ̆ kơ nơ̆r lu kră mơlôh pơđâu, na pơtao khan kơ lu kon pơlei: 'Bă inh ăn kơ lu iĕm tôi 'long ăt trăp dang noh, inh gô ăn kơ lu iĕm tôi 'long ăt trăp hloh kơ noh dơ̆ng, 'bă inh teh phak lu iĕm hăm sơnguĕt, inh gô teh phak iĕm hăm hơguăt.”

II Ho 10:8

Mă-lei Rêhôbôam ưh kơ kiơ̆ ôh nơ̆r lu kră đei pơđâu, na chă đon pơđâu hăm lu bơngai kră mơlôh 'lŏ sư pơhnŏng kơchŏng sư bơhnơr, mă oei bơ̆jang kơ sư.

Le 10:28

Pharaôn khan kơ Môis lĕch wih bĕ đơ̆ng inh! Kơchăng bĕ! 'Nĕ pă năm tơ'bơ̆p inh dơ̆ng. Năr ayơ ih năm tơ'bơ̆p inh, năr 'noh inh gô pơlôch Ih!

Tơdrông Pơđơk 15:1

Nơ̆r tơl rơngơp chhơp ngach tơdrong hil. Nơ̆r pơma arăng pơdrŭt tơdrong blĕk.

Tơdrông Pơđơk 18:23

Bơngai dơnuh apinh tơdrong mơnat; Lu bơngai mơdrŏng hơrăk tơnat tơl tơwih.

Tơdrông Pơđơk 19:27

Ơ dăm, dah ih pơdơh pă mơ̆ng đe bơtho khan noh, Lei pơm kơ ih tơklah ataih đơ̆ng nơ̆r hlôh wao.