II Ho 1:4 - Sơ̆p Hlabơar Nơ̆r 'Bok Kei-Dei

⁴ Đawit đei chĕp ba bơih Hom tơdrong pơgơ̆p Kră Yang 'Bok Kei-Dei đơ̆ng Kiriat. Jêarim ba tơ anih Đawit đei hơmet bơih wă dan Hom noh, yua kơ Đawit đei pơm bơih bơsŭn wă dan Hom Pơgơ̆p noh tơ Pơlei Jêrusalem.

II Ho 1:4 ပူးပေါင်းရင်းမြစ်များ

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

II Sam 6:2

Sư păng đĭ-đăng lu bơngai kiơ̆ truh tơ pơlei Baala dêh Juđa wă năm tung iŏk Hom pơgơ̆p Kră Yang 'Bok Kei-Dei; Hom noh kon pơlei krao anăn Kră Yang Tih Hloh, Kră Yang mă dan tang-dŏ Sư kơpal rim kơ chêrubim kơpal tơnglơ̆p Hom pơgơ̆p.

I Ho 15:1

Đawit pơm hnam pơtao kơ sư kơdih lăm pơlei Đawit păng hơmet lê̆ minh anih wă 'măn Hom Pơgơ̆p Kră Yang 'Bok Kei-Dei.

I Ho 15:12

Sư khan kơ đe noh: “Lu iĕm bơngai yŏng pơgơ̆r lăm adrĕch adrung Lêwi; iĕm athei hơmet akâu iĕm hăm lu 'nhŏng oh iĕm mă 'lơ̆ng rơgoh wă tung Hom Pơgơ̆p Kră Yang 'Bok Kei-Dei Isơrael ba tơ anih mă inh đei hơmet lê̆ boih.

I Ho 15:3

Đawit krao akŭm đĭ-đăng bơngai Isơrael brŏk tơ pơlei Jêrusalem, wă iŏk Hom Pơgơ̆p Kră Yang 'Bok Kei-Dei 'măn tơ anih mă sư hơmet boih.

I Ho 16:1

Lu sư tung ba Hom Pơgơ̆p Kră Yang 'Bok Kei-Dei păng dan 'măn sư lăm bơsŭn mă Đawit pơdơ̆ng. Lu sư kư̆m pơyơ̆r tơmam soi 'buh păng tơmam soi pơyơ̆r hiôk-hian 'bơ̆t anăp Kră Yang 'Bok Kei-Dei.

II Ho 5:2

Sôlômôn krao akŭm đĭ-đăng lu kră bơngai Isơrael, lu yŏng kơdră lăm rim adrĕch 'bă Sư păng lu kră pơgơ̆r kon pơlei Isơrael tơ pơlei Jêrusalem wă tung tơmơ̆t Hom tơdrong pơgơ̆p Kră Yang đơ̆ng Siôn, noh pơlei Đawit.

II Ho 6:2

Dang ei inh đei pơm boih minh pôm hnam ăn kơ Ih oei, anih mă Ih gô oei ling-lang.”

Jôsuê 9:17

Kon pơlei Isơrael yak năm năr mă pêng truh tơ pơlei lu sư, pơlei Gibeôn, Kêphira, Bêrôt păng Kiriat, Jêrim.