II Ho 1:14 - Sơ̆p Hlabơar Nơ̆r 'Bok Kei-Dei

¹⁴ Sôlômôn akŭm lu gre aseh păng aseh, đei minh-rơbâu puăn-hrĕng tŏ gre aseh păng mơjĭt-'bar rơbâu tŏ aseh; 'măn lê̆ lăm pơlei tah gre aseh kư̆m hơdai hăm pơtao lăm Pơlei Jêrusalem.

II Ho 1:14 ပူးပေါင်းရင်းမြစ်များ

I Pot 10:16

Pơtao Sôlômôn pơm 'bar-hrĕng tŏ khêl tih păng maih hling hơtăng. Lăm rim kơ minh hlak khêl noh yua dang puăn kĭ maih.

I Pot 4:26

Sôlômôn đei puăn-jĭt rơbâu tŏ hơdrong aseh dui gre păng đei mơjĭt-'bar rơbâu lu linh chĕp gre aseh.

I Pot 5:6

Thoi noh na ih athei lu đĭch đam ih kăl tơgŭm inh 'long hơngo đơ̆ng char Liban, na inh kư̆m gô athei lu đĭch đam inh hai dai wang jang tơgŭm đĭch đam ih, inh gô apah lu đĭch đam ih gô mơ̆ng kơ đơ̆ng ih hơgăt, yua kơ ih kư̆m băt mơ̆n lu nhôn ưh kơ juăt kơ kăl 'long thoi lu kon pơlei Siđôn ôh.”

I Pot 9:19

Sôlômôn kư̆m đei pơm pơlei 'măn dôm tơmam, 'măn gre aseh, pơlei ăn kơ lu linh hao aseh oei păng dôm tơdrong Sôlômôn wă pơm lăm pơlei Jêrusalem, lăm char Liban păng đĭ-đăng lăm char sư pơgơ̆r.

II Ho 8:6

pơjing dơ̆ng pơlei Balat păng pơm lu pơlei đei hnam mong mŭk tơmam păng lu pơlei wă tah gre păng pơlei ăn kơ lu aseh, tơdrong kiơ Sôlômôn wă 'maih pơm, Sư pơm tơ pơlei Jêrusalem, lăm char Liban, dah tơ lăm rim dêh char ayơ mă sư pơgơ̆r.

II Ho 9:25

Pơtao Sôlômôn đei puăn-rơbâu tŏ hơdrong aseh păng hnam tah gre aseh, kư̆m đei mơjĭt-'bar rơbâu aseh, tơ lăm lu pơlei tah gre aseh păng tah hơdai hăm sư tơ lăm pơlei tih Jêrusalem.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.