III Yo 1:9 - Sơ̆p Hlabơar Nơ̆r 'Bok Kei-Dei

⁹ Inh chih boih kơthơ pơtruh tơ hnam akŭm 'Bok Kei-Dei iĕm. Na 'bok Diôtrip, sư wă pơm kră bơngai lui, mă-lei sư ưh kơ wă mơ̆ng inh ôh.

III Yo 1:9 ပူးပေါင်းရင်းမြစ်များ

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Markôs 9:34

Lu sư thĕng ưh kơ pơ̆n roi kơ Sư, yua kơ kơplah rok trong hei lu sư pơma pơjah pơjăng dih băl tơpă, lu sư wă kơ băt bu pơm tih 'biơ̆ kơ tơduă lu sư.

Markôs 9:37

“Dah bu sơng iŏk bơngai 'lơ̆p âu yua kơ bơngai 'lơ̆p âu lui kơ Inh, sư 'noh dang sơng iŏk Inh. Sư 'noh ưh kơ sĭ sơng iŏk Inh đĕch ôh, sư 'noh dang sơng iŏk 'Bok Kei-Dei mă wơh Inh mơ̆n.”

Luka 9:48

na khan kơ lu đe ei: “Bơngai bu sơng iŏk bơngai 'lơ̆p âu, yua kơ bơngai 'lơ̆p âu lui kơ Inh, bơngai noh dang sơng iŏk Inh. Bơngai bu sơng iŏk Inh, bơngai noh dang sơng iŏk 'Bok Kei-Dei mă wơh Inh mơ̆n. Bơngai bu lăm lu iĕm pơm iĕ hloh, bơngai noh boih pơm tih.”

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.