III Yo 1:8 - Sơ̆p Hlabơar Nơ̆r 'Bok Kei-Dei

⁸ Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.

III Yo 1:8 ပူးပေါင်းရင်းမြစ်များ

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Luka 11:7

Na pơtih gia bôl bơ̆n khan thoi âu: ‘Inh pă gơh tơgŭm ih boih. 'Măng đĭ chơkăl boih, inh oei weng kon inh tep. Na inh ưh kơ gơh iung iŏk ăn kơ ih ôh.’

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

II Kor 8:23

Âu roi gah Tĭt iĕm băt boih, sư 'nhŏng oh bơ̆n jang hơdai hăm inh đơ̆ng sơ̆ boih; na dang ei sư wă tơgŭm wei-lăng iĕm dơ̆ng. Gah 'bar 'nu 'nhŏng oh mă kiơ̆ sư, noh đơ̆ng lu bơngai lui rim hnam 'Bok Kei-Dei rơih bre sư jang tang lu sư, bre sư bơngai pơư pơang anăn Kră Yang Yêsu Krist.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Kôlôsê 4:11

Jôsuê mă đe anăn Jutu, sư kư̆m jet gia iĕm. Dôm lu bơngai jang hơdai hăm inh bơtho tơdrong 'Bok Kei-Dei lăp pêng 'nu lu đe âu đĕch bơngai Juđê. Lu sư tơgŭm inh dêh na inh hiôk lăm jơhngơ̆m tơpă.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

III Yo 1:10

Mă-lei gô inh truh, inh gô roi tôm tơdrong kơnê̆ Diôtrip pơm. Sư pơchê nhôn păng hơlĕnh gah tơdrong nhôn. Sư oei pơm hloh kơ 'noh dơ̆ng; sư ưh kơ sơng iŏk 'nhŏng oh bơngai lui bơ̆n năm hơpong tơ hnam akŭm iĕm. Lăm hnam akŭm iĕm đei lu bơngai lui mơ'nah wă sơng iŏk ră, mă-lei Diôtrip khă ưh kơ ăn sơng iŏk lu bơngai năm hơpong păng pơpuh lu bơngai lui ei đơ̆ng hnam akŭm mơ̆n.

III Yo 1:7

Lu sư năm bơtho tơdrong Yêsu Krist lu sư ưh kơ đei sa jên đơ̆ng lu bơngai mă ưh kơ lui ôh.

III Yo 1:9

Inh chih boih kơthơ pơtruh tơ hnam akŭm 'Bok Kei-Dei iĕm. Na 'bok Diôtrip, sư wă pơm kră bơngai lui, mă-lei sư ưh kơ wă mơ̆ng inh ôh.