III Yo 1:7 - Sơ̆p Hlabơar Nơ̆r 'Bok Kei-Dei

⁷ Lu sư năm bơtho tơdrong Yêsu Krist lu sư ưh kơ đei sa jên đơ̆ng lu bơngai mă ưh kơ lui ôh.

III Yo 1:7 ပူးပေါင်းရင်းမြစ်များ

Yo 15:21

Iĕm kiơ̆ Inh na lu sư pơm kơnê̆ kơ iĕm yua kơ lu sư ưh kơ băt kơ 'Bă Inh mă wơh Inh.

Jang 20:33

Inh ưh kơ 'nhĕng jên đe dah hơbĕn ao đe ôh.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Jang 8:4

Na lu bơngai jăk đơ̆ng Pơlei Jêrusalem ei, lu sư năm bơtho nơ̆r 'Bok Kei-Dei jơ̆p jơ̆p.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

I Kor 9:18

Na iĕm hăm băt inh gô đei tơdrong apah kiơ? Inh jang bơtho tơdrong 'nao 'lơ̆ng Sư mă-lei kuă kơ iŏk sa jên đơ̆ng đe apah, dah inh iŏk trŏ ră mơ̆n. Tơdrong apah inh wă khan tơdrong inh hiôk lăm jơhngơ̆m gơh bơtho đe, đe huay kơ kăl kơ 'me sa inh.

II Kor 12:13

Tơdrong jang inh oei tơ iĕm kư̆m lei-lăi thoi inh jang tơ anih nai; pôm tơdrong 'me sa inh đĕch, inh kuă kơ pơgleh iĕm athei iĕm 'me inh, mă-lei iĕm 'nĕ kơ jô̆ yo.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Philip 2:9

Yua kơ thoi noh boih na 'Bok Kei-Dei pôk atŏk Sư pơm tih dang ei, Sư tih hloh kơ đĭ-đăng.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.