III Yo 1:14 - Sơ̆p Hlabơar Nơ̆r 'Bok Kei-Dei

¹⁴ Kơlih kơ ưh pă đunh boih inh wă tơ'bơ̆p ih, na ba pơma dơnuh dih băl.

III Yo 1:14 ပူးပေါင်းရင်းမြစ်များ

Bl 43:23

Bơngai wei hnam khan; hiôk-hian bĕ iĕm 'nĕ kơ hli minh tơdrong kiơ! Noh đơ̆ng Kră Yang 'Bok Kei-Dei lu iĕm, mă Kră Yang 'Bok Kei-Dei 'bă lu iĕm, đei ăn tơmam gĭt tơ lăm 'bi lu iĕm. Lu jên iĕm inh iŏk boih. Đơ̆ng noh sư ba Simêôn năm tơ 'nhŏng oh lu sư;

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Yo 10:3

Na bơngai gak 'măng pơih ăn kơ tơ'ngla sư 'măng hloi. Mă triu kư̆m kơnăl kơ 'bơ̆r tơ'ngla sư mơ̆n. Na tơ'ngla sư krao tôm kơ anăn lu sư, na tơlĕch lu sư kiơ̆ tơ'ngla sư lĕch tơ 'ngoaih.

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Galati 5:16

Na inh wă khan kơ iĕm thoi âu: Iĕm athei apinh kơdih Yang Bơhngol 'Lơ̆ng mơ̆t pơgơ̆r iĕm ling-lang. Tơdah iĕm pơm thoi noh jơhngơ̆m đon iĕm huay kơ tơchĕng pơm tơdrong kơnê̆ ôh.

Êphêsô 6:23

Inh krao khan kơ 'Bă tơm bơ̆n 'Bok Kei-Dei hăm Kră Yang bơ̆n Yêsu Krist, apinh Sư tơgŭm đĭ-đăng kơ iĕm hiôk-hian, hăm ăn kơ iĕm băt 'mêm mơnat kơ đe, hăm lui rai kơjăp.

I Pet 5:14

Inh apinh 'Bok Kei-Dei ăn kơ iĕm mă lui kơ Yêsu Krist hiôk-hian. Na kơnh pơgê apinh iĕm sơng iŏk rôp băl ti mă 'lơ̆ng wă kơ băt tơdrong 'mêm băl.

II Yo 1:12

Inh đei lơ tơdrong nai dơ̆ng wă pơma kơ iĕm, mă-lei inh ưh kơ wă chih pơma kơ iĕm dôm tơdrong noh lăm kơthơ âu ôh. Kơlih kơ ưh pă đunh boih inh wă tơ'bơ̆p iĕm na inh gô bơtho iĕm păng akâu inh kơdih. Thoi noh na bơ̆n chơt hiôk dih băl.