III Yo 1:11 - Sơ̆p Hlabơar Nơ̆r 'Bok Kei-Dei

¹¹ Ơ oh, ih 'nĕ kơ pơm rok lu bơngai mă pơm kơnê̆ thoi noh hŏ, ih pơm rok lu bơngai pơm 'lơ̆ng đĕch. Bơngai bu pơm 'lơ̆ng, bơngai 'noh lĕch đơ̆ng 'Bok Kei-Dei. Bơngai bu pơm kơnê̆, bơngai 'noh ưh kơ lĕch đơ̆ng 'Bok Kei-Dei ôh.

III Yo 1:11 ပူးပေါင်းရင်းမြစ်များ

Horiso 34:14

Weh kơ tơdrong kơnê̆ păng pơm bĕ tơdrong 'lơ̆ng. Chơchă bĕ tơdrong hiôk-hian păng druh kiơ̆ tơdrong ei.

Horiso 37:27

Weh bĕ dơ̆ng tơdrong kơnê̆ păng pơm tơdrong 'lơ̆ng, Na gơh oei arih ling-lang.

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Tơdrông Pơđơk 12:11

Bơngai bu choh jang mir na gô đei tơmam sa rơkah rơkai. Bơngai bu kiơ̆ chă tơdrong kơđei oei kơ'bah tơdrong hlôh wao.

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

I Kor 11:1

Na iĕm pơm kiơ̆ inh, thoi inh pơm kiơ̆ Yêsu Krist.

I Kor 4:16

Thoi noh na inh wă kơ iĕm pơm kiơ̆ kơ inh.

Êphêsô 5:1

Bơ̆n jing kon 'Bok Kei-Dei, 'Bok Kei-Dei Sư 'mêm kơ bơ̆n tơpă, na bơ̆n athei pơm rok Sư.

Philip 3:17

Ơ lu 'nhŏng oh, iĕm athei kiơ̆ tơdrong thoi inh lui, hăm kiơ̆ thoi lu bơngai lui trŏ thoi nhôn.

I Tes 1:6

Iĕm pơm kiơ̆ rok thoi nhôn boih, noh thoi nhôn pơm kiơ̆ rok Kră Yang Yêsu Krist ki mơ̆n. Iĕm đei lơ tơdrong pơmat-tat mă-lei khŏm lui kơ tơdrong nhôn bơtho, Yang Bơhngol 'Lơ̆ng ăn kơ iĕm jơhngơ̆m hiôk hơiă tơpă.

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.

II Tim 3:10

Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.

Hêbrơ 6:12

Nhôn ưh kơ wă kơ iĕm alah ôh; nhôn wă kơ iĕm adrin lui kiơ̆ mă trŏ thoi lu đe kră sơ̆, lu sư lui khŏm khŏm tơpă, na 'Bok Kei-Dei ăn tơpă tôm tơdrong mă Sư đêl pơkă.

I Pet 3:11

'nĕ pă pơm dôm tơdrong kơnê̆, athei pơm tơdrong 'lơ̆ng ling-lang đĕch, adrin pơhiôk dih băl mă hơiă.

I Pet 3:13

Dah bơ̆n pơm 'lơ̆ng ling-lang, ưh kơ đei bu pơm kơnê̆ kơ bơ̆n ôh.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.