Hôsia 9:15 - Sơ̆p Hlabơar Nơ̆r 'Bok Kei-Dei

¹⁵ Đĭ-đăng tơdrong kơnê̆, tơdrong yoch lu sư pơdah boih tơ pơlei Gilgal, Inh đei hil kơ lu sư boih. Yua kơ tơdrong kơnê̆ lu sư pơm Inh gô pơpuh lê̆ lu sư đơ̆ng hnam Inh. Inh ưh pă 'mêm kơ lu sư dơ̆ng, đĭ-đăng lu yŏng sư kư̆m gô ayăt kơ Inh.

Hôsia 9:15 ပူးပေါင်းရင်းမြစ်များ

Horiso 78:60

Sư weh lê̆ đơ̆ng anih akŭm Sư tơ Silô, Anih mă Sư oei hăm kon bơngai;

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Je 11:15

“Kon pơlei mă Inh 'mêm kơeng pơm kiơ boih lăm hnam Inh? Lu sư pơm yoch kơnê̆. Nơ̆r pơkă păng 'nhĕm tơmam soi hăm gơh găn tơdrong răm wă truh kơ lu iĕm ưh? Lu iĕm chơt hiôk kơplah noh ră?

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 23:18

Kơplah sư pơdah ngôi kư̆ kă, tơ'bôh tơdrong koh hoh sư, na Inh achăng lê̆ sư, thoi Inh achăng lê̆ mŏ sư.

Hôsia 1:6

Akăn sư anăp dơ̆ng na tơpŭ ăn kơ sư minh 'nu kon drŏ-kăn, na Kră Yang khan kơ Hôsia: “Ih krao anăn sư Lôruhama, yua kơ Inh ưh pă đei 'mêm mơnat dơ̆ng boih kơ adrĕch Isơrael, wă kơ Inh kư̆m ưh pă mơnat pơklaih tơdrong yoch kơnê̆ lu sư dơ̆ng.

Hôsia 1:9

Kră Yang khan kơ Hôsia: “Anăn bĕ sư Lôami, yua kơ lu iĕm ưh pă jing kon pơlei Inh dơ̆ng boih, noh wă khan Inh kư̆m ưh pă jing Kră Yang 'Bok Kei-Dei lu iĕm dơ̆ng.”

Hôsia 12:11

Gileat kơnê̆ tơpă, lu sư ưh kơ yua kiơ. Lu sư pơm yang hăm rơmo tơno tơ Gilgal. Chơnang soi lu sư gô jing pôi tơmo tơ lăm trong đêl choh lăm mir.

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.

Hôsia 7:2

Mă-lei lu sư ưh kơ tơchĕng ôh kơ Inh oei 'blŏk kơ đĭ-đăng tơdrong kơnê̆ lu sư pơm. Tơdrong yoch lu sư pơm wang tăp dăr kơ lu sư, tơdrong lu sư pơm oei 'bơ̆t anăp Inh.

Hôsia 9:17

Kră Yang 'Bok Kei-Dei inh gô hŭt lê̆ lu sư yua kơ lu sư kuă kơ mơ̆ng nơ̆r Kră Yang na lu sư gô jing bơngai chă thông măng jơ̆p kơ dêh char nai.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Am 5:27

Yua kơ thoi noh, gô rôp ba lu iĕm jing pơm đĭch tơ pah to pơlei Đamas, Kră Yang khan thoi noh, anăn sư Kră Yang 'Bok Kei-Dei Tih hloh.

Am 5:5

Lê̆ pă chă pơlei Bethel, 'nĕ pă mơ̆t lăm pơlei Gilgal, dah 'nĕ pă năm rok trong pơlei Bêrsêba. Yua kơ pơlei Gilgal đe gô puh pơm bơnă đĭ, pơlei Bethel gô jing minh anih pơchah pơchek.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

Jang 5:21

Lu sư kơtơ̆ng thoi noh na 'năr lĕch pơgê dơning sư năm bơtho tơ hnam akŭm 'Bok Kei-Dei tơm thoi đêl. 'Bok soi tơm păng lu bôl sư năm truh tơ hnam sư akŭm. Sư krao lu kră sek tơlang păng khŭl lu kră dêh Juđê. Đơ̆ng noh lu sư wơh linh năm ba lu bơngai phak tơ lu kră sek tơlang ră.

Jôsuê 10:43

Đơ̆ng noh Jôsuê păng đĭ-đăng linh Isơrael wih brŏk tơ Gilgal.

I Sam 7:16

Rim sơnăm sư chă dăr jơ̆p kơ pơlei tih Bethel, Gilgal păng Mispa chă sek tơlang ăn kơ kon pơlei pơla bơngai Isơrael tơ lăm lu pơlei noh.