Hôsia 9:13 - Sơ̆p Hlabơar Nơ̆r 'Bok Kei-Dei

¹³ Lu bơngai Êphraim thoi inh đei rơih boih plei đe pơtăm boih lăm teh jing 'lơ̆ng thoi Tir. Mă-lei bơngai Êphraim gô chông anhăk ba kon sâu lu sư tơ anih đe pơlôch pơrăm.

Hôsia 9:13 ပူးပေါင်းရင်းမြစ်များ

II Pot 15:16

Kơplah noh Mênahem lĕch đơ̆ng Pơlei Tirsa blah Pơlei Tipsa, păng đĭ-đăng kon pơlei oei tơ lăm pơlei păng oei jơ̆p-jang kơ tơring jum dăr, yua kơ pơlei noh kuă kơ pơih 'măng dur; thoi noh na pơtao pơrăm lu sư păng roch klak đĭ-đăng lu drŏ-kăn mă oei anăp, lăm pơlei ei.

Jop 27:14

Kon sâu lu sư rai lơ kơdrơ̆m kư̆m gô pơ̆k lôch yua kơ đao gưm. Adrĕch adrung lu sư ưh kơ đei sa phĭ mah.

Je 7:15

Inh gô pơpuh lu iĕm đơ̆ng anăp Inh, kư̆m thoi Inh đei pơpuh boih 'nhŏng oh lu iĕm, đĭ-đăng lu adrĕch kon sâu Êphraim.

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Êsêkiên 27:3

Khan bĕ kơ pơlei Tirơ: Ih jing pơlei oei trong 'măng jang đak dơsĭ, mơdro sa hăm lơ pơlei oei lăm bŏl dơsĭ: Kră Yang khan thoi âu: ‘Ơ Tirơ, ih đei khan: Inh 'lơ̆ng hơbŏ tôm tĕch.

Hôsia 10:14

Tơdrong tơblah tơblŭng ơ-ôs ơ-as gô pơm kơ kon pơlei iĕm, đe gô pơrăm dôm lu pơlei kơđông kơjăp lu iĕm, thoi Salman pơrăm pơlei Bêt Arbel lăm năr tơblah băl. Mă đe đei teh pơlôch mĕ hơdai hăm lu kon sư.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Hôsia 13:8

Inh gô châu lu sư thoi chơgơu yŏng bruh kơ đe rôp tơgar iŏk kon sư. Inh gô châu hek hơđah kơtơh lu sư, đơ̆ng noh inh gô kăp sa lu sư thoi dăm-brang yŏng. Lu sem bri gô hek sa lu sư.

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.