Hôsia 14:6 - Sơ̆p Hlabơar Nơ̆r 'Bok Kei-Dei

⁶ Đơ̆ng tơmơ̆ng lu sư bluh rai kơjung; arih 'lơ̆ng sư thoi tơm 'long ôliwơ, 'bâu phu lu sư thoi 'bâu phu 'long hơngo Liban.

Hôsia 14:6 ပူးပေါင်းရင်းမြစ်များ

Bl 27:27

Jakôp năm jê̆ păng chŭm sư. Isăk 'bâu phu ao kon sư Êsâu na sư sơkat hloi thŭ pŭn hiôk păng khan: 'Nâu 'bâu phu đơ̆ng kon inh. Nhen thoi 'bâu tơ mir chŭn mă Kră Yang đei ăn pŭn hiôk.

Horiso 128:3

Akăn ih thoi tơm hơmu plei trem oei lăm hnam ih. Lu kon ih oei tăp dăr gơ'bang thoi dơng ôliwơ.

Horiso 52:8

Gah inh thoi 'long ôliwơ hơdrih 'lơ̆ng lăm Hnam Kră Yang 'Bok Kei-Dei. Inh lui gơnang kơ tơdrong 'mêm Kră Yang 'Bok Kei-Dei ling-lang hlŏng hloi.

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Je 11:16

Sơ̆ Kră Yang krao anăn iĕm 'long ôliwơ bluh hla hơdrih 'lơ̆ng păng đei plei trem. Mă-lei đei jơwa thoi kial hơbŭt kơtang, Kră Yang gô soh lê̆ hla sư, gơ̆ lê̆ dơng sư.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Mathiơ 13:31

Yêsu pơma pơtih gia dơ̆ng kơ lu bơngai tơpôl noh thoi âu: “Lu bơngai 'Bok Kei-Dei pơgơ̆r, lu sư thoi lĕ kơ găr sơ'bei, găr noh iĕ hloh kơ đĭ-đăng găr nai.

Yo 15:1

Yêsu bơtho dơ̆ng thoi âu: “Inh âu boih thoi lĕ tơm 'long hơmu, na 'Bă Inh thoi lĕ bơngai pơtăm.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.