Hôsia 13:16 - Sơ̆p Hlabơar Nơ̆r 'Bok Kei-Dei

¹⁶ Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Hôsia 13:16 ပူးပေါင်းရင်းမြစ်များ

II Pot 15:16

Kơplah noh Mênahem lĕch đơ̆ng Pơlei Tirsa blah Pơlei Tipsa, păng đĭ-đăng kon pơlei oei tơ lăm pơlei păng oei jơ̆p-jang kơ tơring jum dăr, yua kơ pơlei noh kuă kơ pơih 'măng dur; thoi noh na pơtao pơrăm lu sư păng roch klak đĭ-đăng lu drŏ-kăn mă oei anăp, lăm pơlei ei.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:5

Đơ̆ng noh pơtao đe Asiri mơ̆t blah pơrăm jơ̆p-jang dêh char sư, wang Pơlei Samari lăm pêng sơnăm.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Êsai 13:16

Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

Êsai 17:3

Kơđông kơjăp Êphraim ưh pă đei dơ̆ng bơih, pơlei tih Đamas ưh pă đei tơdrong pơgơ̆r dơ̆ng, lu kon plei mă oei đei đơ̆ng dêh char Siri kư̆m gô lei-lăi nhen thoi tơdrong ư-ang lu đe Isơrael.” Kră Yang Tih Hloh khan thoi noh.

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Hôsia 11:6

Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Am 3:9

Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.

Mi 1:4

Lu kông gô lek hach ala jơ̆ng Sư, lu thŭng thong gô hơđang lek thoi jrĕnh dan jê̆ ŭnh, thoi đak ro jruh kơ kông krang.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.