Hôsia 13:13 - Sơ̆p Hlabơar Nơ̆r 'Bok Kei-Dei

¹³ Tơdrong jĭ thoi drŏ-kăn tơpŭ truh boih kơ lu sư, mă-lei lu sư thoi kon nge ngŏk kơ hlôh kơwao, Lăp truh jơ 'năr boih, mă-lei sư ưh kơ jah lĕch đơ̆ng tơpu kon.

Hôsia 13:13 ပူးပေါင်းရင်းမြစ်များ

II Pot 19:3

Lu sư khan kơ Êsai: “Hesekia khan: 'Năr 'nâu bơih jơ̆ năr răm tih, năr teh bơtho păng mơlâu thoi drŏ-kăn đĭ tôm khei 'năr sư bơih. Mă-lei jơhngơ̆m pran sư ưh kơ đei wă hơiơch hơ'lơ̆p noh.

Horiso 48:6

Tơ noh lu sư hli tơtơ̆.a Lu sư jĭ jăn pơmat thoi drŏ-kăn tơpŭ.

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Êsai 26:17

Nhen thoi drŏ-kăn ôr kơ jĭ anăp sư wă jê̆ tơpŭ. Ơ Kră Yang, lu nhôn oei tơ anăp Ih nhen thoi noh.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Êsai 66:9

Kră Yang khan: “Inh bơih Tơ'ngla ăn jơ 'năr tơpŭ kon na khan ưh kơ ăn tơpŭ hă? Inh bơih ăn đei anăp na ưh kơ ăn hơiơch hă?” Kră Yang 'Bok Kei-Dei khan thoi noh.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Je 30:6

Jet lăng: Hăm trŏ kơ bơngai drŏ-nglo tơpŭ kon hơ'lơ̆p? Lei liơ mă Inh 'bôh bơngai drŏ-nglo kơ'mĭn klak thoi drŏ-kăn wă tơpŭ? Liơ mă muh măt lu sư dreng hơ'blă?

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Yo 16:21

Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

Yo 5:4

yua kơ phŏ phŏ đei linh jang 'lơ̆ng 'Bok Kei-Dei jur tơ đak dơnâu ei, wă pơm kơ đak dơnâu ei tơglăk. Na bơngai bu mă hơbĕch dah kơtah lăm dơnâu ei hơdrol kơ đe, sư noh klaih hloi kơ jĭ sư.

Jang 24:25

Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”

II Kor 6:2

yua kơ 'Bok Kei-Dei khan boih tơ lăm sơ̆p hla bơar Sư khan sơ̆ thoi âu: “Truh năr Inh wă pơklaih kon bơngai, Inh mơ̆ng 'bơ̆r ih păng tơdŏng ih.” Na jơhnơr lu bơ̆n âu boih trŏ kơ khei năr 'Bok Kei-Dei pơklaih kon bơngai noh.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.