Hôsia 10:14 - Sơ̆p Hlabơar Nơ̆r 'Bok Kei-Dei

¹⁴ Tơdrong tơblah tơblŭng ơ-ôs ơ-as gô pơm kơ kon pơlei iĕm, đe gô pơrăm dôm lu pơlei kơđông kơjăp lu iĕm, thoi Salman pơrăm pơlei Bêt Arbel lăm năr tơblah băl. Mă đe đei teh pơlôch mĕ hơdai hăm lu kon sư.

Hôsia 10:14 ပူးပေါင်းရင်းမြစ်များ

Bl 32:11

Thoi noh apinh Kră Yang 'Bok Kei-Dei pơklaih inh đơ̆ng ti Êsâu, 'nhŏng inh, kơnh hli kơ sư blah inh păng đe kon drŏ-kăn inh hai dơ̆ng.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 17:3

Salmaneser, pơtao đe Asiri năm blah pơtao Hôsêa, Hôsêa jing pơtao bơ̆jang kơ Salmaneser păng chu kiơ̆, ra ăn kơ Salmanese jên.

II Pot 18:33

Yang lu adrĕch adrung nai hăm gơh pơklaih dêh char sư kơdih đơ̆ng ti pơtao Asiri ưh?

Êsai 17:3

Kơđông kơjăp Êphraim ưh pă đei dơ̆ng bơih, pơlei tih Đamas ưh pă đei tơdrong pơgơ̆r dơ̆ng, lu kon plei mă oei đei đơ̆ng dêh char Siri kư̆m gô lei-lăi nhen thoi tơdrong ư-ang lu đe Isơrael.” Kră Yang Tih Hloh khan thoi noh.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Hôsia 10:15

Ơ Bethel đe kư̆m gô pơm kơ lu iĕm thoi noh, yua kơ tơdrong yoch kơnê̆ lu iĕm tih dêh. Đe gô pơlôch Pơtao Isơrael lăp 'brưch hơdah til pơgê lăm năr noh kơnh.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Am 9:5

Yua kơ Kră Yang Tih Hloh, sư pel 'bơm teh, teh lek đĭ, đĭ-đăng kon pơlei oei lăm noh gô nhơ̆m hmoi jơ̆p kơ teh đak tŏk blai thoi đak krong Nil păng sư gô hrơ̆ thoi đak krong dêh Êyiptơ.

Mi 5:11

Inh gô pơrăm lê̆ tơdrong lu pơjâu tơwir, thoi noh na lu iĕm ưh pă đei pơjâu khan lê̆ adrol dơ̆ng.

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.

Na 3:12

Đĭ-đăng lu kơđông kơjăp ih hiong thoi 'long hơra, đei plei đum blŭng-a lăm bơyan, tơdah đe gơgŭ sư gô hơlŭng huŏng tơ lăm 'bơ̆r lu bơngai 'maih sa.

Habakuk 1:10

Lu sư hiĕk pơjăm lu pơtao, hiĕk ăr kơ lu kuan pơgơ̆r păng hiĕk pơjăm kơ lu kơđông kơjăp. Sư kôch teh bơ̆ kơjăp, wă tŏk blah iŏk.