Hơri Hiôk 8:6 - Sơ̆p Hlabơar Nơ̆r 'Bok Kei-Dei

⁶ Ăn kơ inh jing thoi tơmam klep lăm jơhngơ̆m ih, Thoi tơmam chơ̆m tơ kơkŏng ti ih; Yua kơ tơdrong hơyuh kơtang dang thoi tơdrong lôch, Jơhngơ̆m gar jing kơnê̆ thoi bơsat. Sư khơ̆ng thoi ŭnh. Pla ŭnh khơ̆ng tơtŏ dêh.

Hơri Hiôk 8:6 ပူးပေါင်းရင်းမြစ်များ

I Ho 11:18

Na pêng 'nu bơngai 'nâu năm mơ̆t tơpăt kơđông linh Philistin sŏ iŏk đak đơ̆ng lăm sơlŭng jê̆ 'măng jang pơlei Betlehem, chĕp ba ăn kơ Đawit nhă mă-lei sư ưh kơ wă nhă, sư tuh hloi đak 'noh 'bơ̆t anăp Kră Yang,

Horiso 120:4

Noh 'brơ̆m suĕng đơ̆ng lu linh; păng ngar 'long ŭnh ngŭr.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Horiso 84:2

Bơhngol inh 'maih dêh năm tơ cham hnam Kră Yang, Inh ôr krao Kră Yang 'Bok Kei-Dei mă arih ling-lang hăm đĭ jơhngơ̆m sĕch akar inh.

Le 28:21

Gô đei đĭ-đăng mơjĭt-'bar găr, kiơ̆ kơ lu anăn kon drŏ-nglo Isơrael; tơ kơpal rim kơ găr tơmo rang 'noh đe chrek anăn minh 'nu lăm mơjĭt-'bar adrĕch adrung lu kon drŏ-nglo Isơrael, nhen thoi đe pơm tơmam tơdra kơtĭt 'noh.

Tơdrông Pơđơk 25:22

Thoi ih dan ngar ngŭr kơpal kơ̆l sư, Thoi ei lei na Kră Yang gô apah bơnê kơ ih.

Tơdrông Pơđơk 6:34

Yua kơ gar noh tơdrong mă bơngai drŏ-nglo hil blĕk dêh, Sư ưh pă gơh mơnat boih năr sư pơm tơwih.

Hơri Hiôk 5:8

Ơ lu adruh Jêrusalem, inh pơkă kơ lu iĕm, Tơdah iĕm tơ'bơ̆p pơyô inh, roi ăn kơ sư. Inh jĭ jơhngơ̆m yua kơ hơyuh kơ sư.

Êsai 49:16

'Nâu inh đei chhơ̆ bơih lu iĕm lăm tơpang ti Inh; lu dur pơlei iĕm ling-lang oei 'bơ̆t anăp Inh.

Je 22:24

Kră Yang khan: “Sĭt thoi Inh arih, mă khan Jêhôiachin kon drŏ-nglo Jêhôiakim pơtao đe Juđa, thoi tơkhiĕn tơdra 'bot 'bơ̆t hơnglâu ti 'ma Inh, tơpă Inh kư̆m oei plôh lê̆.

Hagai 2:23

Kră Yang Tih Hloh khan: “Ơ Sôrôbabel, kon drŏ-nglo Salathiel lăm năr noh, Inh gô iŏk ih pơm đĭch đam Inh!” Kră Yang khan: “Inh gô pôk ih thoi tơkhiĕn kĭ pơkăm yua kơ Inh đei rơih iŏk ih boih.” Kră Yang Tih Hloh khan thoi noh.

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Jo 25:11

Phinêhas, kon drŏ-nglo Êlêasar, sâu Arôn, 'bok soi, đei tơjur lê̆ 'biơ̆ tơdrong Inh hil kơ bơngai Isơrael, yua kơ sư kư̆m gar lu sư thoi Inh; thoi ei, na Inh huay pă pơlôch pơrăm bơngai Isơrael lăm tơdrong inh hil gar dơ̆ng;

Jo 5:14

tơdah đei klo sư gar akăn sư, tơchĕng akăn sư pơm kơnê̆ 'mê̆-'mach kơ sư boih, dah huay kơ pơm kơnê̆ 'mê̆-'mach ră.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Rom 12:20

Yua kơ thoi noh na bơ̆n huay kơ kăl pơm kơnê̆ kơ đe. Lăm hla bơar 'Bok Kei-Dei kư̆m đei khan dơ̆ng thoi âu: “Bu pơm kơnê̆ kơ bơ̆n, kơnh pơgê bơ̆n 'bôh sư pơngot dah kơ'bah tơmam kiơ, bơ̆n rai tơgŭm bơngai noh; dah sư ol kơ đak bơ̆n ăn nhă. Dah bơ̆n pơm kơ sư thoi noh, noh sư huay pơm kơnê̆ kơ bơ̆n, sư wih mơlâu kơ bơ̆n dơ̆ng.”

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.