Hơri Hiôk 6:4 - Sơ̆p Hlabơar Nơ̆r 'Bok Kei-Dei

⁴ Ơ bơngai mă inh hơyuh, ih guăng thoi pơlei Tirsa, đei ai hơbŏ thoi pơlei Jêrusalem, Ih pơm ăn kơ đe hyưp kơ măt thoi 'bôh linh yơ̆r hla-kơ.

Hơri Hiôk 6:4 ပူးပေါင်းရင်းမြစ်များ

I Pot 14:17

Akăn Jêrôbôam iung brŏk tơ pơlei Tirsa Lăp sư 'nao truh 'bơ̆t 'măng hnam sư, 'bôh kon drŏ-nglo sư lôch bơih.

I Pot 15:21

Baasa kơtơ̆ng tơdrong 'nâu, sư pơdơh hloi ưh pă pơm kơđông pơlei Rama dơ̆ng păng brŏk oei tơ pơlei Tirsa.

I Pot 15:33

Lăm sơnăm mă pêng lăm chăl Asa pơm pơtao đe Juđa, Baasa kon drŏ-nglo Ahija pơm pơtao pơgơ̆r đĭ-đăng bơngai Isơrael tơ pơlei Tirsa păng sư pơgơ̆r 'bar-jĭt puăn sơnăm.

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 48:3

Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Hơri Hiôk 1:15

Bơngai mă inh hưch ih 'lơ̆ng hơiă dêh, ih 'lơ̆ng tơpă! Măt ih nhen măt sem kơtơp.

Hơri Hiôk 1:5

Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Hơri Hiôk 4:7

Ơ bơngai mă inh hơyuh, ih 'lơ̆ng hơiă tôm tĕch. Akâu ih ưh kơ đei 'bơ̆t ayơ mă kơnê̆.

Hơri Hiôk 5:2

Măt inh tep, mă-lei đon inh oei hơđơ̆r. Noh jơ̆! Nơ̆r pơyô inh sư dơdŭ păng krao thoi âu:

Hơri Hiôk 6:10

“Bơngai adruh âu bu kih? Lăng 'brưch dang 'năr wă lĕch, 'lơ̆ng guăng thoi khei rang, hơdah thoi măt 'năr. Ih gơh pơm kơ đe hiưp kơ măt thoi 'bôh linh yơ̆r hla-kơ!”

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

II Kor 10:4

Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.