Hơri Hiôk 6:2 - Sơ̆p Hlabơar Nơ̆r 'Bok Kei-Dei

² Bơngai mă inh hơyuh jur năm lăng pơgar sư boih. Pơgar pơkao 'bâu phu; Wă pơhiôk jơhngơ̆m sư lăm pơgar, Păng phĕ lu pơkao kok jơk;

Hơri Hiôk 6:2 ပူးပေါင်းရင်းမြစ်များ

Hơri Hiôk 2:16

Bơngai mă inh hơyuh jing tơmam inh bơih, Păng inh jing tơmam sư. Sư wei triu sư tơ lăm tŏk-bŏk pơgar pơkao kok jơk.

Hơri Hiôk 4:12

Ơ mŏ adruh inh, ŭnh om inh, ih thoi pơgar tang lê̆, Thoi tu đak đe chĭt lê̆, thoi đak glung đe bơ̆ găn lê̆ boih.

Hơri Hiôk 4:16

Ơ kial đơ̆ng yă-nơ̆m tơthu bĕ, ơ kial đơ̆ng gah gơal pơbơh bĕ! Tơthu bĕ lăm pơgar inh; wă kơ 'bâu phu đơ̆ng sư păr đông jơ̆p-jang!

Hơri Hiôk 4:5

'Bar pah toh ih hmŭng hmăng Thoi kon kơtŏng kơmar. Oei chă sa 'nhĕt tŏk-bŏk pơkao kok jơk.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Hơri Hiôk 5:13

Meng sư dơ'bŭm thoi pơgar pơkao 'bâu phu, 'bâu phu đông jơ̆p-jang. Hơkŭng dreng drao nhen thoi pơkao jơk kok, Lĕch đak pơgang 'bâu phu ngăl.

Hơri Hiôk 6:11

Ih jur lăng pơgar plei Hơmu. Wă lăng pơkao lăm thŭng, Wă kơ lăng lu tơm hơmu tam bluh tơmơ̆ng ưh. Tơm gărnăt tam pơkao ưh.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 57:1

Bơngai 'lơ̆ng tơpăt lôch đĭ. Ưh kơ đei bơngai bu 'blŏk hơdơ̆r. Bơngai đei jơhngơ̆m đon 'mêm mơnat đĭ hiong. Ưh kơ đei bơngai bu băt tơchĕng khan. Bơngai 'lơ̆ng tơpăt Kră Yang iŏk sư wă kơ sư huay kơ 'bơm tơdrong truh răm.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”