Hơri Hiôk 5:2 - Sơ̆p Hlabơar Nơ̆r 'Bok Kei-Dei

² Măt inh tep, mă-lei đon inh oei hơđơ̆r. Noh jơ̆! Nơ̆r pơyô inh sư dơdŭ păng krao thoi âu:

Hơri Hiôk 5:2 ပူးပေါင်းရင်းမြစ်များ

Bl 29:20

Thoi noh, Jakôp yua kơ Rachel, na sư lăng tơpơh sơnăm noh dang lăp 'bar pêng năr.

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 81:10

Inh boih Kră Yang, 'Bok Kei-Dei iĕm, Inh Tơ'ngla dŏng pơklaih iĕm đơ̆ng dêh Êyiptơ. Ha bĕ 'bơ̆r iĕm mă să, Inh gô tah 'bĕnh.

Tơdrông Pơđơk 23:26

Ơ dăm, pơjao bĕ jơhngơ̆m ih kơ inh; Măt ih kơchăm rok kiơ̆ trong inh.

Hơri Hiôk 1:16

Ơ bơngai mă inh hơyuh ih tơdăm 'lơ̆ng hơbŏ; Lăp kơ jơhngơ̆m inh dêh! Anih tep ba dreng hơdrih 'lơ̆ng.

Hơri Hiôk 2:10

Pơyô inh pơma păng khan kơ inh!

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Hơri Hiôk 2:8

Ei nơ̆r pơyô inh! To, sư truh boih. Sư pơplŏng kơ kông dơhrông kơ groi.

Hơri Hiôk 3:1

Kơmăng inh 'bĭch kơpal giơng, Inh chơchă bơngai mă jơhngơ̆m inh hơyuh. Inh chă sư ră mă-lei ưh kơ 'bôh.

Hơri Hiôk 4:7

Ơ bơngai mă inh hơyuh, ih 'lơ̆ng hơiă tôm tĕch. Akâu ih ưh kơ đei 'bơ̆t ayơ mă kơnê̆.

Hơri Hiôk 4:9

Jơhngơ̆m inh huŏng đĭ lăm ih boih, ơ mŏ adruh inh, ŭnh om inh, Đơ̆ng lăp ih gơ'mreh măt lăng tơ inh hăm đơ̆ng inh 'bôh ih 'băk hơnam gĭt, na jơhngơ̆m inh huŏng đĭ lăm ih Ô 'ngam dêh tơdrong hơyuh.

Hơri Hiôk 5:11

Kơ̆l sư thoi maih gĭt Sŏk sư gĕnh, găm thoi ak.

Hơri Hiôk 5:6

Inh pơih 'măng kơ pơyô inh, Mă-lei sư hlôi weh tơ nai boih, Jơhngơ̆m inh pơngê̆ 'bơ̆t sư oei pơma. Inh chă sư, mă-lei ưh kơ 'bôh, Inh krao sư, mă-lei pă tơl boih.

Hơri Hiôk 6:9

Sem kơtơp inh bơngai guăng tôm tĕch, Minh 'nu sư đĕch. Kon pôm mĕ sư kơeng. Ưh kơ đei pơm kơnê̆ kiơ ôh hăm mĕ sư bơngai mă tơpŭ kơ sư. Lu adruh 'bôh sư krao sư bơngai đei pŭn hiôk; Dĭng mah akăn tơm păng akăn kơnhŏng pơtao pơư kơ sư ngăl.

Hơri Hiôk 7:9

Ih Chŭm inh 'ngam thoi đak hơmu. Ro hloi tơ hơkŭng păng hơnĕnh inh.

Hơri Hiôk 8:7

Mă đei đak lơ kư̆m ưh kơ kĕ kơ chruh jơhngơ̆m hơyuh ôh. Mă đak glung jrŭ kư̆m ưh kơ kĕ lơ̆p tơhiong lê̆ sư mơ̆n. Tơdah bơngai bu iŏk đĭ mŭk tơmam đơ̆ng hnam sư wă răt tơdrong hơyuh, đe kư̆m ưh kơ hưch kơ sư.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Da 8:18

Kơplah Sư oei pơma hăm inh, inh tep hơlơ̆m hloi oei kơmŭ brum; mă-lei Sư hơtŭt kơ inh pơm kơ inh hơđơ̆r na iung.

Sa 4:1

Đơ̆ng noh ling jang khan hăm inh, wơ̆t râu tơiung inh dơ̆ng, thoi minh 'nu bơngai oei tep na râu tơiung sư.

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Mathiơ 8:17

Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Markôs 1:35

Lăp pơgê hrôih năr đơ̆ng rŏng, Yêsu lĕch hloi đơ̆ng pơlei ei năm tơ anih kueng kơdrô̆, Sư krao khan kơdrô̆ Sư tơ ei.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 9:32

Kơplah noh Pêtrôs păng bre bôl sư oei tep. Lăp lu sư hơđơ̆r, lu sư 'bôh akâu Yêsu mơnhal thoi noh păng 'bôh bre Môis păng Êli oei pơma dơnuh păng Yêsu.

Yo 10:4

Lăp tơ'ngla sư tơlĕch triu sư tôm đĭ tơ 'ngoaih boih, na sư yak hơdrol kơ triu sư, na triu sư kiơ̆ đơ̆ng rŏng, yua kơ triu sư kơnăl kơ 'bơ̆r tơ'ngla sư.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.