Hơri Hiôk 5:13 - Sơ̆p Hlabơar Nơ̆r 'Bok Kei-Dei

¹³ Meng sư dơ'bŭm thoi pơgar pơkao 'bâu phu, 'bâu phu đông jơ̆p-jang. Hơkŭng dreng drao nhen thoi pơkao jơk kok, Lĕch đak pơgang 'bâu phu ngăl.

Hơri Hiôk 5:13 ပူးပေါင်းရင်းမြစ်များ

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Horiso 89:15

Pŭn dêh kơ kon pơlei ayơ mă băt đei nơ̆r chơt hiôk hơri bơnê kơ Ih, Ơ Kră Yang, lu sư yak lăm hơdah đơ̆ng anăp muh măt Ih

Hơri Hiôk 1:10

Meng ih 'lơ̆ng 'breo Thoi le, Hơko ih kư̆m 'lơ̆ng yua kơ ih 'băk hơnam tơmo rang.

Hơri Hiôk 1:16

Ơ bơngai mă inh hơyuh ih tơdăm 'lơ̆ng hơbŏ; Lăp kơ jơhngơ̆m inh dêh! Anih tep ba dreng hơdrih 'lơ̆ng.

Hơri Hiôk 2:1

Inh thoi pơkao gôh tơ tơmăn Sarôn, Thoi pơkao kok jơk tơ lăm thŭng

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Hơri Hiôk 4:11

Ơ ŭnh om, hơkŭng ih lĕch đak sut. Tơ hơpiĕt ih đei đak sut păng đak toh; 'Bâu phu đơ̆ng hơbĕn ao ih, thoi 'bâu phu đơ̆ng char Liban.

Hơri Hiôk 5:5

Inh iung wă pơih kơ pơyô inh 'măng Inh tơdjoh pơgang 'bâu phu tơ hơnglâu ti inh, Đak pơgang 'bâu phu ro hloi tơ chơkăl 'măng

Hơri Hiôk 6:2

Bơngai mă inh hơyuh jur năm lăng pơgar sư boih. Pơgar pơkao 'bâu phu; Wă pơhiôk jơhngơ̆m sư lăm pơgar, Păng phĕ lu pơkao kok jơk;

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.