Hơri Hiôk 4:9 - Sơ̆p Hlabơar Nơ̆r 'Bok Kei-Dei

⁹ Jơhngơ̆m inh huŏng đĭ lăm ih boih, ơ mŏ adruh inh, ŭnh om inh, Đơ̆ng lăp ih gơ'mreh măt lăng tơ inh hăm đơ̆ng inh 'bôh ih 'băk hơnam gĭt, na jơhngơ̆m inh huŏng đĭ lăm ih Ô 'ngam dêh tơdrong hơyuh.

Hơri Hiôk 4:9 ပူးပေါင်းရင်းမြစ်များ

Bl 20:12

Mă-lei tơpă sư noh kư̆m oh drŏ-kăn inh, nhi minh pôm 'bă, mĕ phara păng inh iŏk sư pơm akăn.

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Horiso 45:9

Lăm lu drŏ-kăn mă pơtao gĭt noh đei lu bia, Akăn pơtao oei gah 'ma kơ Ih, Pơguăng păng maih Ôphir.f

Tơdrông Pơđơk 1:9

Noh boih thoi hơgăl pơkao 'lơ̆ng kơpal kơ̆l ih, thoi rơbưn glang 'băk tơ hơko ih.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Hơri Hiôk 1:10

Meng ih 'lơ̆ng 'breo Thoi le, Hơko ih kư̆m 'lơ̆ng yua kơ ih 'băk hơnam tơmo rang.

Hơri Hiôk 1:15

Bơngai mă inh hưch ih 'lơ̆ng hơiă dêh, ih 'lơ̆ng tơpă! Măt ih nhen măt sem kơtơp.

Hơri Hiôk 3:11

Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Hơri Hiôk 4:12

Ơ mŏ adruh inh, ŭnh om inh, ih thoi pơgar tang lê̆, Thoi tu đak đe chĭt lê̆, thoi đak glung đe bơ̆ găn lê̆ boih.

Hơri Hiôk 6:12

Đon inh tơchĕng, thoi apo 'bôh 'băi inh oei tơ lăm gre aseh. Gah 'ngiĕo kơ kon pơtao inh kon pơlei

Hơri Hiôk 6:5

Ih hue bĕ măt tơ nai, Yua kơ măt ih pơm kơ inh ưh kơsŭk. Sŏk ih thoi khŭl bơbe kơdâu, jur rok cheng kông Gileat.

Hơri Hiôk 7:10

Inh jing tơmam kơ pơyô inh, Tôm tơdrong sư hơpơi wă lăm inh ngăl.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Êsai 62:5

Thoi bơngai tơdăm oei kơ bơngai adruh 'nao iung, kư̆m thoi lu kon drŏ-nglo ih gô oei hăm ih; thoi bơngai 'nao iŏk akăn gô hiôk chơt yua kơ akăn sư 'nao iŏk. Na Kră Yang 'Bok Kei-Dei ih kư̆m hiôk chơt yua kơ ih.

Êsêkiên 16:11

Inh iŏk tơmam pơguăng pơhrôp ăn kơ ih, tơ'bot ăn kong tơ ti, tơ'băk ăn kơ ih rơbưn tơ hơko.

Êsêkiên 16:8

Inh năm brih lăng 'bôh ih, sơnăm ih 'lŏ trŏ kơ sơnăm băt kơ hưch wă; Inh iŏk tơdrơi ao Inh tơsu kơ ih, klơ̆p tơdrong koh hoh ih. Inh pơkă păng pơgơ̆p hăm ih, ih jing gah Inh bơih, Kră Yang Tih Hloh khan thoi noh.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

I Kor 9:5

Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.