Hơri Hiôk 4:6 - Sơ̆p Hlabơar Nơ̆r 'Bok Kei-Dei

⁶ Dĭng 'brưch hơdah păng măng mu hiong đĭ, Inh gô tŏk tơ kông 'long 'bâu phu. Inh gô truh tơ groi pơgang 'bâu phu

Hơri Hiôk 4:6 ပူးပေါင်းရင်းမြစ်များ

Horiso 66:15

Inh pơyơ̆r kơ Kră Yang sem dơrong bek 'lơ̆ng wă pơm tơmam soi 'buh. Hơdai hăm triu tơno pơm tơmam soi 'buh. Inh kư̆m gô pơyơ̆r lu rơmo tơno păng bơbe bram. Sêla

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 30:8

Kơplah til kơsơ̆ măng, Arôn kư̆m tơ̆k ŭnh kơđeng, kư̆m gô soh tơmam 'bâu phu; tơmam 'bâu phu 'nâu athei soh pơyơ̆r kơ Kră Yang ling-lang, truh lăm rim jơhnơr.

Le 37:29

Sư pơm đak rơmă rơgoh păng 'bâu phu 'lơ̆ng, pơm gơh hơgei.

Hơri Hiôk 2:17

Dĭng 'brưch hơdah păng măng mu hiong đĭ. Ơ bơngai mă inh hơyuh, wih hơlơ̆k tơ âu bĕ, Thoi kơtŏng, Thoi juei dăm tơ kơpal kông groi. 'Blŏk kơ pơyô sư

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Hơri Hiôk 4:14

'Long 'bâu phu păng pơkao gôh, alamôs păng 'long hol. Hăm đĭ-đăng 'long 'bâu phu, pơgang 'bâu phu, đak alôê. Tơmam 'bâu phu hloh kơ đĭ-đăng,

Hơri Hiôk 8:14

Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Luka 1:78

Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.