Hơri Hiôk 4:15 - Sơ̆p Hlabơar Nơ̆r 'Bok Kei-Dei

¹⁵ Ih thoi đak mơlĕch ro lăm pơgar, Ih boih sơlŭng đak tơdrong arih păng thoi lu đak glung ro đơ̆ng char Liban.

Hơri Hiôk 4:15 ပူးပေါင်းရင်းမြစ်များ

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Tơdrông Pơđơk 5:16

Hăm trŏ tu đakb ih gô blai ro tơ trong, Lu hơbong glung ih gô ro lăm pơlei tih.

Tơdrông Pơđơk 5:18

Hơpơi kơ tu đak ih 'lơ̆ng rŏ. Hiôk chơt bĕ hăm akăn ih iŏk oei đơ̆ng 'lơ̆p.

Bôk Bơthô 2:6

inh sir sơlŭng să pơm dơnâu mong đak wă ruh mir 'long wơ̆ iung.

Hơri Hiôk 4:12

Ơ mŏ adruh inh, ŭnh om inh, ih thoi pơgar tang lê̆, Thoi tu đak đe chĭt lê̆, thoi đak glung đe bơ̆ găn lê̆ boih.

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:38

Bơngai bu lui kơ Inh sư gô đei đak glung ro lăm jơhngơ̆m sư păng ăn kơ sư arih ling-lang kư̆m thoi đe chih lăm sơ̆p hla bơar 'Bok Kei-Dei sơ̆.”

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.