Hơri Hiôk 4:14 - Sơ̆p Hlabơar Nơ̆r 'Bok Kei-Dei

¹⁴ 'Long 'bâu phu păng pơkao gôh, alamôs păng 'long hol. Hăm đĭ-đăng 'long 'bâu phu, pơgang 'bâu phu, đak alôê. Tơmam 'bâu phu hloh kơ đĭ-đăng,

Hơri Hiôk 4:14 ပူးပေါင်းရင်းမြစ်များ

Bl 43:11

Đơ̆ng noh Isơrael, 'bă lu sư khan: Tơdah đei tơdrong thoi noh, lei lu iĕm athei pơm thoi âu: Athei pơih iŏk tơmam gĭt kăp đơ̆ng lăm kơdŭng iĕm mă chĕp ba đơ̆ng dêh bơ̆n âu: Pơgang 'bâu phu, đak sut, chai 'long, 'long 'bâu phu, plei 'long gĭt na pơyơ̆r ăn kơ sư pơm tơmam bơnê.

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

II Ho 9:9

Đơ̆ng noh sư ăn kơ pơtao minh-hrĕng 'bar-jĭt talâng maih, tơmam 'bâu phu lơ tơpă păng tơmo gĭt, tam biơh đei tơmam 'bâu phu thoi noh đơ̆ng sơ̆ thoi tơmam 'bâu phu đơ̆ng thoi yă pơtao char Seba ăn kơ pơtao Sôlômôn.

Horiso 45:8

Lu ao tai Ih 'bâu phu pơgang, hơliĕng brang păng hol. Đơ̆ng lăm anih pơtao pơm păng bơla đe reh brŏ đei tơlei pơm kơ Ih chơt hiôk.

Le 30:23

Athei akŭm bĕ lu tơmam 'bâu phu 'lơ̆ng hloh: Tơdrâu kĭ 'long pơgang 'bâu phu, pêng kĭ kơđoh 'long hol 'bâu phu, pêng kĭ chai 'bâu phu.

Tơdrông Pơđơk 7:17

Iŏk 'long pơgang 'bâu phu lu 'long hol, pik lê̆ sư kơpal giơng inh 'bĭch.

Hơri Hiôk 1:12

Kơplah pơtao oei 'bơ̆t tang-dŏ wă sŏng sa, 'Bâu phu jơ̆p-jang pơgang đơ̆ng inh pik.

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Hơri Hiôk 4:6

Dĭng 'brưch hơdah păng măng mu hiong đĭ, Inh gô tŏk tơ kông 'long 'bâu phu. Inh gô truh tơ groi pơgang 'bâu phu

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Hơri Hiôk 6:2

Bơngai mă inh hơyuh jur năm lăng pơgar sư boih. Pơgar pơkao 'bâu phu; Wă pơhiôk jơhngơ̆m sư lăm pơgar, Păng phĕ lu pơkao kok jơk;

Êsêkiên 27:19

Bơngai Wêđan păng Jawan răt tơmam đơ̆ng Usal năm răt tơplih tơmam ih; chĕp ba đei mam, 'long hol 'long Kasa, 'long 'bâu phu.

Jo 24:6

Thoi thŭng đe tơraih rai să, thoi pơgar 'nhot cheng đak glung, thoi 'long 'bâu phu mă đêl Kră Yang pơtăm 'long hơngo chăt cheng đak glung.

Markôs 16:1

Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

Yo 19:39

Nikôđem, 'bok mă đêl năm ngôi tơ Yêsu kơmăng sơ̆, sư kư̆m năm hơdai păng Yôsep mơ̆n. Sư chĕp ba dang pơđăm-jĭt kilô pơgang 'bâu phu.

Tơdrông Tơ'bôh 18:13

bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.