Hơri Hiôk 3:9 - Sơ̆p Hlabơar Nơ̆r 'Bok Kei-Dei

⁹ Pơtao Sôlômôn pơm kơ sư kơdih minh pôm tang-dŏ, Hăm 'long đơ̆ng char Liban.

Hơri Hiôk 3:9 ပူးပေါင်းရင်းမြစ်များ

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

Hơri Hiôk 3:10

Sư pơm jơ̆ng tang-dŏ noh hăm hu, Anih gơning rŏng păng maih, Anih hơ-oei gom păng che gôh găm. Tŏk-bŏk lăm noh sư lơ̆k hăm che đơ̆ng lu adruh Jêrusalem tanh hăm jơhngơ̆m hơyuh.

Hơri Hiôk 3:7

To, noh jơ̆ tang-dŏ Sôlômôn! Tăp dăr kơ tang-dŏ noh; đei tơdrâu-jĭt 'nu bơngai pran kơtang khŭl Isơrael.

Hơri Hiôk 3:8

Đĭ-đăng lu sư chĕp đao gưm ngăl. Păng hơgei juăt kơ tơblah. Rim 'nu lu sư kiĕo đao tơ kơiĕng, Wă kơ răng hli kơ hơyăt kơplah măng mu.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.