Hơri Hiôk 3:2 - Sơ̆p Hlabơar Nơ̆r 'Bok Kei-Dei

² Dang ei inh gô iung hloi năm chă, Bơngai mă inh hơyuh tơ rim kơ trong glung, Tơ lu trong tơklah pêng lăm pơlei tih. Inh chă sư ră mă-lei ưh kơ 'bôh.

Hơri Hiôk 3:2 ပူးပေါင်းရင်းမြစ်များ

Tơdrông Pơđơk 8:34

Pŭn hiôk dêh bơngai bu mơ̆ng kiơ̆ nơ̆r Inh; Oei lăng măng năr 'bơ̆t 'măng jang Inh, gô răp 'bơ̆t 'măng hnam Inh.

Hơri Hiôk 1:7

Ơ bơngai mă inh hưch, roi tơpăt bĕ kơ inh ih wei triu tơ yơ? Anih ayơ kơplah 'năr dơ̆ng ih ăn kơ lu sư drum pơdơh; Yua kơ kiơ inh thoi lĕ adruh gom lê̆ muh măt, Dơ̆ng 'bơ̆t cheng lu khŭl triu buăl ih?

Hơri Hiôk 3:3

Lu linh gak 'bôh inh, lu sư oei yak dăr tăp pơlei ei, lei inh apinh hloi, lu iĕm hăm 'bôh, Bơngai mă inh hơyuh ưh?

Hơri Hiôk 5:5

Inh iung wă pơih kơ pơyô inh 'măng Inh tơdjoh pơgang 'bâu phu tơ hơnglâu ti inh, Đak pơgang 'bâu phu ro hloi tơ chơkăl 'măng

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Yo 1:6

Thoi noh na 'Bok Kei-Dei wơh minh 'nu bơngai, anăn sư Yôhan,

Rom 13:11

Dôm tơdrong inh bơtho iĕm âu, bơ̆n athei răk pơm kiơ̆ tơpă, yua kơ Kră Yang Yêsu Krist wă jê̆ jur boih; tơdrong noh iĕm kư̆m băt mơ̆n. Tơm hmơm bơ̆n lui sơ̆, năr Yêsu Krist jur oei đunh 'biơ̆; mă dang ei ưh pă đunh boih. Na bơ̆n athei adrin kral ling-lang 'nĕ pă nŏng kơ tep.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”