Hơri Hiôk 3:11 - Sơ̆p Hlabơar Nơ̆r 'Bok Kei-Dei

¹¹ Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Hơri Hiôk 3:11 ပူးပေါင်းရင်းမြစ်များ

Horiso 48:11

Yua kơ tơdrong Ih sek tơlang, na lu kông Siôn chơt hiôk, Lu kon adruhb Juđa 'nă hal,

Horiso 9:14

Tơ 'măng jang kon hơdruh Siôn. Inh ră roi đĭ dôm tơdrong 'mêm bơnê kơ Ih, Păng gô chơt hiôk lăm tơdrong Ih dŏng pơklaih

Hơri Hiôk 1:5

Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

Hơri Hiôk 2:7

Ơ lu adruh Jêrusalem inh apinh lu iĕm pơkă, Hăm anăn lu kơtŏng dah lu juei lăm bri. 'Nĕ kơ hơtŭt 'bơm păng 'nĕ kơ râu tơdrong hơyuh hơđơ̆r mưh tam mă trŏ kơ jơ.

Hơri Hiôk 7:11

Năm tơ âu bĕ, ơ bơngai inh hơyuh, bĕ ba năm tơ mir. Păng 'bĭch hloi kơmăng tơ pơlei iĕ;

Hơri Hiôk 8:5

Bơngai noh bu mă 'nao brŏk đơ̆ng char glă? Oei gơning tơ bơngai sư hơyuh?

Êsai 4:4

Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsai 62:5

Thoi bơngai tơdăm oei kơ bơngai adruh 'nao iung, kư̆m thoi lu kon drŏ-nglo ih gô oei hăm ih; thoi bơngai 'nao iŏk akăn gô hiôk chơt yua kơ akăn sư 'nao iŏk. Na Kră Yang 'Bok Kei-Dei ih kư̆m hiôk chơt yua kơ ih.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Sa 6:11

Iŏk jên dah maih đơ̆ng sư, pơm bĕ minh tŏ môk pơtao na pơyơ̆l ăn bĕ tơ kơ̆l Jôsua 'bok soi tơm kon dăm Jêhôsađak.

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Yo 15:11

“Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Hêbrơ 13:13

Thoi noh na bĕ bơ̆n năm kiơ̆ Sư tơ jih pơlei iŏk dôm tơdrong kon pơlei hil areh che bơle pơmat Sư sơ̆.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 19:12

Măt Sư thoi pla ŭnh, Sư yơ̆l môk pơtao lơlap. Păng đei chih anăn tơ akâu Sư, mă-lei ưh kơ đei bu băt kơ anăn Sư noh, pôm Sư kơdih đĕch băt.

Tơdrông Tơ'bôh 19:7

Bĕ bơ̆n hiôk chơt, bĕ bơ̆n 'nă hal, ư-ang anăn 'Bok Kei-Dei yua kơ trŏ năr Kon Sư Kon Triu wă iŏk akăn. Akăn Sư kư̆m hơmet tôm tơdrong đang boih.