Horiso 98:5 - Sơ̆p Hlabơar Nơ̆r 'Bok Kei-Dei

⁵ Iŏk bĕ brŏ reh, hơri ư-ang kơ Kră Yang. Iŏk brŏ tĭng-nĭng hơri tơ'nguơ̆ ư-ang bĕ kơ Kră Yang;

Horiso 98:5 ပူးပေါင်းရင်းမြစ်များ

I Ho 15:16

Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 15:28

Na đĭ-đăng bơngai Isơrael năm tung Hom Pơgơ̆p Kră Yang hăm nơ̆r jreo tơkĕch hiôk chơt, kơtơ̆ng jơwa hlôm keng păng jơwa tơgiĕp preh chhar reh tĭng-nĭng păng brŏ dung.

II Ho 29:25

Pơtao sư dan 'măn lê̆ lu bơngai Lêwi lăm Hnam Kră Yang chĕp chhar, brŏ dung, tĭng-nĭng kiơ̆ kơ Đawit, Gat 'bok 'bôh adrol, jang kơ pơtao păng Nathan 'bok khan lê̆ adrol, pơkă noh đơ̆ng Kră Yang ăn kơ lu 'bok khan lê̆ adrol tơbăt.

Horiso 147:7

Hơri bơnê bĕ kơ Kră Yang. Reh brŏ Dung bơnê kơ Kră Yang 'Bok Kei-Dei lu bơ̆n.

Horiso 33:2

Iŏk bĕ tĭng-nĭng bơnê kơ Kră Yang, Yua bĕ brŏ mam mơjĭt dăng tơlei na hơri bơnê kơ Sư,

Horiso 71:22

Ơ Kră Yang 'Bok Kei-Dei! Inh gô yua tĭng-nĭng reh hơri bơnê kơ Ih. Inh gô hơri kơ tơdrong tơpăt Ih; Ơ Kră Yang 'lơ̆ng rơgoh đe Isơrael, Inh gô yua tĭng-nĭng dơ̆ng hơri bơnê kơ Ih.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.