Horiso 98:4 - Sơ̆p Hlabơar Nơ̆r 'Bok Kei-Dei

⁴ Ơ đĭ-đăng teh đak, ôr chơt 'nă hal bĕ kơ Kră Yang. Hơri chơt hiôk bĕ păng hơri tơ'nguơ̆ bơnê kơkuh bĕ kơ sư,

Horiso 98:4 ပူးပေါင်းရင်းမြစ်များ

Horiso 100:1

Ơ đĭ-đăng bơngai mă oei lăm teh đak. Ôr chơt hiôk bĕ kơ Kră Yang!

Horiso 66:1

Ơ đĭ-đăng lăm teh đak chhôk ngă 'nă hal bĕ kơ Kră Yang 'Bok Kei-Dei.

Horiso 66:4

Jơ̆p-jang kơpal teh đak kơkuh kơ Ih. Hơri bơnê kơ ih. Lu sư hơri bơnê anăn Ih.” Sêla

Horiso 67:4

Ơ jơ̆p kơ teh đak chơt hiôk hơri 'nă hal bĕ; Yua kơ Kră Yang 'Bok Kei-Dei Sư sek tơlang tơpăt ăn kơ kon pơlei. Păng pơgơ̆r chông ba kon bơngai. Lăm teh đak. Sêla

Horiso 71:22

Ơ Kră Yang 'Bok Kei-Dei! Inh gô yua tĭng-nĭng reh hơri bơnê kơ Ih. Inh gô hơri kơ tơdrong tơpăt Ih; Ơ Kră Yang 'lơ̆ng rơgoh đe Isơrael, Inh gô yua tĭng-nĭng dơ̆ng hơri bơnê kơ Ih.

Horiso 95:1

Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

Horiso 95:2

Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 42:11

Ơ lu char glă hăm lu pơlei tih jreo tơkĕch bĕ, lu kon pơlei Kêdar oei kư̆m hiôk thoi noh mơ̆n; ơ kon pơlei Sêla hơri bĕ, krao ôr chơt hiôk bĕ dơ̆ng kơpal kông ti!

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Jêphania 3:14

Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.