Horiso 98:2 - Sơ̆p Hlabơar Nơ̆r 'Bok Kei-Dei

² Kră Yang tơbăt boih tơdrong Sư dŏng pơklaih. Păng pơdah boih tơdrong tơpăt Sư 'bơ̆t anăp kon pơlei pơla.

Horiso 98:2 ပူးပေါင်းရင်းမြစ်များ

Horiso 22:31

Adrĕch adrung noh gô ră roi gah tơdrong tơpăt Kră Yang, Roi tơbăt kơ adrĕch adrung đơ̆ng rŏng khan. Kră Yang boih pơm tơdrong noh.

Horiso 24:5

Bơngai noh gô đei pŭn hiôk đơ̆ng Kră Yang, Păng tơdrong tơpăt đơ̆ng Kră Yang 'Bok Kei-Dei, Tơ'ngla dŏng pơklaih Sư.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Êsai 62:2

Lu teh đak gô 'bôh tơdrong 'lơ̆ng ih. Lu pơtao gô 'bôh tơdrong ư-ang ih. Đe gô krao ih anăn 'nao đơ̆ng 'bơ̆r Kră Yang krao ăn.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:18

Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

Rom 9:30

Thoi noh na lu bơngai tơmoi nai mă ưh kơ khŭl Isơrael, sơ̆ lu sư ưh kơ băt chă tơdrong pơm 'lơ̆ng hăm 'Bok Kei-Dei thoi yơ ôh, mă-lei 'Bok Kei-Dei kư̆m 'mêm kơ lu sư mơ̆n, kư̆m jô̆ lu sư bơngai 'lơ̆ng. Lu bơngai noh wă khan dôm lu bơngai khŭl nai mă oei gơnang kơ Yêsu.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.