Horiso 98:1 - Sơ̆p Hlabơar Nơ̆r 'Bok Kei-Dei

¹ Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Horiso 98:1 ပူးပေါင်းရင်းမြစ်များ

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 136:4

Lăp minh 'nu Sư đĕch mă pơm mơsêh hlĭch dêh. Tơdrong 'mêm Sư oei oei ling-lang.

Horiso 139:14

Inh bơnê kơ Ih, yua kơ Ih đei pơjing inh hlĭch chrơp tơpă. Tơdrong jang Ih hlĭch chrơp mă jơhngơ̆m inh băt nhen tơpă.a

Horiso 149:1

Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 33:3

Hơri bĕ Kơ Sư minh 'bai hơri 'nao, reh brŏ tơlei mă hiôk păng hơri nơ̆r re chơt hiôk.

Horiso 72:18

Trŏ kơkuh bơnê kơ Kră Yang 'Bok Kei-Dei bơngai Isơrael, Lăp minh 'nu Sư đĕch pơm tơdrong hlĭch chrơp!

Horiso 77:14

Ih boih Kră Yang 'Bok Kei-Dei oei pơm tơdrong hlĭch chrơp, Ih đei tơ'bôh boih tơdrong mơsêh Ih kơ kon pơlei.

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 96:1

Hơri bĕ kơ Kră Yang; minh tơdrong hơri 'nao Ơ đĭ-đăng kon bơngai jơ̆p-jang kơ teh đak hơri bĕ kơ Kră Yang.

Horiso 96:3

Ră roi tơdrong ư-ang kơ Sư tơ jơ̆p dêh char. Roi tơbăt dôm tơdrong jang hlĭch chrơp Sư kơ rim adrĕch kon bơngai.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Êsai 12:5

Hơri bơnê bĕ kơ Kră Yang, yua kơ Sư đei pơm bơih dôm tơdrong jang gĭt kăl ư-ang, na roi pơdah bĕ kơ jơ̆p lăm teh đak băt.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 63:5

Inh chă lăng mă-lei ưh kơ đei bu tơgŭm. Inh lăng hlĭch yua kơ ưh kơ đei bu dŏng. Na Inh yua kơkŏng ti Inh wă dŏng jei gah Inh. Păng tơdrong Inh hil mĭl dŏng tơgŭm Inh.

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Luka 1:49

'Noh yua kơ dôm tơdrong mơsêh mơyang đơ̆ng 'Bok Kei-Dei ăn kơ inh tơpă. 'Bok Kei-Dei pơm tơdrong 'lơ̆ng tơpăt ngăl.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 19:20

Thoi noh đe 'bôh tơdrong Kră Yang tơlĕch mơsêh mơyang sư kơtang tơpă, na lơ bơngai kơtơ̆ng tơdrong noh na lui hloi kơ Kră Yang Yêsu Krist.

Jang 2:11

Bơ̆n đơ̆ng dêh char Kret, mơ'nah đơ̆ng dêh char Arabia. Dôm lu bơ̆n âu đei lơ dêh char tơpă, mă-lei bơ̆n kơtơ̆ng sư pơma tôm đĭ lu nơ̆r kon bơngai bơ̆n phara. Lu sư roi dôm lu tơdrong mơsêh mơyang 'Bok Kei-Dei pơm.”

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Tơdrông Tơ'bôh 6:2

Na bơngai hao aseh kok ei năm hloi tơ sư chĕp jŏ hră. Đe ăn kơ sư agăl pơkao wă pơtih gia kơ tơdrong sư blah đe jei sư. Na sư năm tơblah. Sư blah đe jei sư tơpă.