Horiso 97:10 - Sơ̆p Hlabơar Nơ̆r 'Bok Kei-Dei

¹⁰ Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Horiso 97:10 ပူးပေါင်းရင်းမြစ်များ

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 119:104

Đơ̆ng nơ̆r Ih bơtho khan na inh hlôh wao, thoi noh na inh areh kơ trong hơlĕnh.

Horiso 119:163

Inh areh păng krưp dêh, kơ tơdrong hơlĕnh pơdăr. Mă-lei inh 'mêm kơ khôi juăt Ih.

Horiso 121:7

Kră Yang wei-lăng ih huay kơ răm, Sư gô bơwei tơdrong arih ih.

Horiso 125:3

Yua kơ 'long jra lu bơngai kơnê̆ ưh kơ gơh pơgơ̆r lu bơngai 'lơ̆ng tơpăt, Wă kơ ti lu bơngai tơpăt huay kơ pơm tơ tơdrong kơnê̆.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 31:23

Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Horiso 34:14

Weh kơ tơdrong kơnê̆ păng pơm bĕ tơdrong 'lơ̆ng. Chơchă bĕ tơdrong hiôk-hian păng druh kiơ̆ tơdrong ei.

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Tơdrông Pơđơk 2:8

Sư wei-lăng trong lu bơngai tơpăt, Sư bơwei trong lu bơngai hli yom kơ Sư.

Tơdrông Pơđơk 3:7

'Nĕ lăng gơh hơgei kiơ̆ kơ măt kơdih, Mă-lei hli yom bĕ kơ Kră Yang, weh bĕ đơ̆ng trong kơnê̆.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Je 15:21

Inh gô dui iŏk ih đơ̆ng ti lu bơngai pơm kơnê̆, păng gô pơklaih ih rơngei đơ̆ng ti lu bơngai wă pơrăm ih

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Da 6:27

Sư boih mă dŏng pơklaih păng yaih achăng, pơm lơ tơdrong hlĭch păng chrơp tơ kơpal plĕnh ala teh dŏng pơklaih boih Đaniel đơ̆ng tơdrong pran kơtang dăm-brang.

Am 5:14

Chơchă bĕ tơdrong 'lơ̆ng păng 'nĕ pă chă tơdrong kơnê̆, wă kơ lu iĕm đei tơdrong arih, na Kră Yang 'Bok Kei-Dei Tih hloh gô oei hơdai iĕm, thoi iĕm đei hơpơi boih.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Rom 7:15

Na inh đĭ pă hiôk boih, đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ pơm; kuă kơ pơm yoch ră mă-lei oei pơm.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

II Tes 3:2

Păng iĕm krao khan apinh 'Bok Kei-Dei tơgŭm nhôn wă kơ lu bơngai kơnê̆ huay kơ pơm kơnê̆ kơ lu nhôn, kơlih kơ đei lơ bơngai ưh kơ wă lui kơ Kră Yang Yêsu Krist.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.