Horiso 96:4 - Sơ̆p Hlabơar Nơ̆r 'Bok Kei-Dei

⁴ Yua kơ Kră Yang Tih Hloh, trŏ kơkuh bơnê; Sư noh trŏ kơ hli yom hloh kơ đĭ-đăng yang,

Horiso 96:4 ပူးပေါင်းရင်းမြစ်များ

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 150:2

Bơnê ư-ang bĕ kơ Sư yua kơ tơdrong mơsêh mơyang Sư. Bơnê ư-ang bĕ kơ Sư kiơ̆ kơ tơdrong tih krưp Sư.

Horiso 18:3

Kră Yang trŏ kơ bơ̆n kơkuh bơnê; inh gô krao apinh Sư, Na Sư gô pơklaih inh đơ̆ng lu ayăt.a

Horiso 48:1

Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 95:3

Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

I Sam 4:8

Răm boih kơ lu bơ̆n! Bu gô pơklaih bơ̆n đơ̆ng ti lu yang mă mơsêh kơtang dang noh? Noh bơih lu yang mă pơrăm kon pơlei Êyiptơ tơm tơdrong truh tơ lăm char glă.