Horiso 95:4 - Sơ̆p Hlabơar Nơ̆r 'Bok Kei-Dei

⁴ Đĭ-đăng sơlŭng jrŭb tơ lăm teh tơ lăm ti Sư, Dôm lu wĕch kông kư̆m gah Sư.

Horiso 95:4 ပူးပေါင်းရင်းမြစ်များ

Jop 11:10

Tơdah Sư năm brih, rôp ih pơm bơnă, păng sek tơlang, lei bu gơh găn khă Sư?

Jop 9:5

Kră Yang 'Bok Kei-Dei hiŏng kông, kông ưh kơ băt adrol, lăm năr Sư hil Sư bơlih plơ̆ lê̆ kông.

Horiso 135:6

Kră Yang pơm đĭ-đăng, tơdrong kiơ Sư lăp đon. Mă tơ plĕnh ti dah tơ teh âu, lăm đak dơsĭ, dah tơ lăm anih jrŭ sŭng.

Horiso 21:2

Kră Yang ăn boih kơ sư, dôm jơhngơ̆m sư 'maih wă, Ưh kơ đei sơngah ôh, dôm 'bơ̆r sư apinh.

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Horiso 71:20

Ih đei ăn boih kơ inh tơdrong gleh pơmat krưp: Ih gô pơrih inh păng pôk hơtŏk inh đơ̆ng sơlŭng jrŭ lăm teh đak.

Horiso 97:5

Lu kông lek hach thoi jrĕnh 'bơ̆t anăp Kră Yang, 'bơ̆t anăp Kră Yang kơ đĭ-đăng teh đak.

Mi 1:4

Lu kông gô lek hach ala jơ̆ng Sư, lu thŭng thong gô hơđang lek thoi jrĕnh dan jê̆ ŭnh, thoi đak ro jruh kơ kông krang.

Na 1:5

Lu kông pơpơ̆ 'bơ̆t anăp Sư, lu groi gô hach hiong; teh đak păng lu kon bơngai oei kơpal teh đak, đĭ-đăng kon bơngai jơ̆p kơ teh đak rŭng răng.

Habakuk 3:10

Lu đak glung ro hrĕnh! Kơdâu ôn tơ nai, Hơlŭng jrŭ ôr hơdrăi, kơđĕl dơsĭ yơ̆r ti kơjung thuơ.

Habakuk 3:6

Sư iung pơtŏ teh; Sư lăng đĕch pơm kơ lu kon pơlei tơklah tơklang; Lu kông mă oei oei kư̆m hĕch đĭ. Rim lu groi kông oei ling-lang gô drap kơkuh. Dôm lu trong Sư oei oei ling-lang thoi so.