Horiso 95:3 - Sơ̆p Hlabơar Nơ̆r 'Bok Kei-Dei

³ Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Horiso 95:3 ပူးပေါင်းရင်းမြစ်များ

Ne 8:6

Esơra bơnê ư-ang kơ Kră Yang 'Bok Kei-Dei Tih hloh, na đĭ-đăng kon pơlei yơ̆r ti na tơl khan A-men; A-men! Đơ̆ng noh kŭp kơ̆l drap muh măt tơ teh kơkuh kơ Kră Yang.

Horiso 104:1

Ơ bơhngol inh hơri bơnê bĕ kơ Kră Yang! Ơ Kră Yang 'Bok Kei-Dei inh. Ih Tih tơpă. Ih hrŭk boih tơdrong ư-ang păng krưp rŏ tơpă!

Horiso 135:5

Inh băt Kră Yang tih tơpă. Kră Yang lu bơ̆n tih hloh kơ đĭ-đăng lu yang.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 47:2

Yua kơ Kră Yang Tih Hloh, a trŏ kơ hli yom. Sư jơ̆ pơtao Tih Hloh kơpal teh đak âu.

Horiso 47:3

Sư pơm ăn kơ lu kon pơlei pơla, chu yom kơ lu nhôn. Păng pơm ăn kơ đĭ teh đak drap ala jơ̆ng lu nhôn.

Horiso 96:4

Yua kơ Kră Yang Tih Hloh, trŏ kơkuh bơnê; Sư noh trŏ kơ hli yom hloh kơ đĭ-đăng yang,

Horiso 97:9

Ơ Kră Yang, Ih boih jơ̆ Kră Yang Tih Hloh, kơpal hloh kơ đĭ-đăng lăm teh. Ih đei tơdrong pơyom hloh loi kơ đĭ-đăng lu yang.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Je 46:18

“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.

Je 48:15

Môap đe gô năm pơrăm đĭ păng lu pơlei; lu bơngai tơdăm hơgei hloh đe gô pơlôch đĭ, 'Bok pơtao anăn Sư Kră Yang Tih Hloh khan.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Mathiơ 5:35

'Nĕ pă pơkă pao anăn teh yua kơ teh âu dang anih Sư 'măn wă pioh jơ̆ng. 'Nĕ pă pơkă pao anăn Pơlei Jêrusalem, yua kơ pơlei noh jơ̆ pơlei Pơtao tih.

Both 7:21

'Nĕ hli tơrơ kơ lu sư; yua kơ Kră Yang 'Bok Kei-Dei iĕm oei hơdai iĕm, noh jơ̆ Kră Yang 'Bok Kei-Dei mă pran kơtang hloh păng trŏ kơ hli.