Horiso 94:8 - Sơ̆p Hlabơar Nơ̆r 'Bok Kei-Dei

⁸ Ơ lu bơngai bơlŭk lăm kon pơlei kơchăng bĕ; Ơ lu bơngai kơtul kơwao, dang yơ mă iĕm gơh hơgei?

Horiso 94:8 ပူးပေါင်းရင်းမြစ်များ

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 73:22

Kơplah noh inh oei kơtul kơwao ưh kơ băt tơdrong kiơ. 'Bơ̆t anăp Ih inh nhen thoi sem brem đĕch.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 12:1

Bơngai bu 'maih chă đe teh bơtho noh thoi wă 'maih đei đon gơh hơgei. Bơngai bu areh kơ đe teh bơtho bơngai noh kơtul kơwao.

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Rom 3:11

Păng ưh kơ đei bu hlôh wao tơdrong 'Bok Kei-Dei, yua kơ ưh kơ đei bu wă chă Sư.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.