Horiso 94:23 - Sơ̆p Hlabơar Nơ̆r 'Bok Kei-Dei

²³ Kră Yang gô pơm tơwih yua kơ tơdrong yoch lu sư. Kră Yang gô pơlôch lu sư yua kơ tơdrong lu sư pơm kơnê̆; Kră Yang 'Bok Kei-Dei gô pơlôch pơrăm lu sư.

Horiso 94:23 ပူးပေါင်းရင်းမြစ်များ

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Horiso 12:3

Apinh Kră Yang pơtôch đĭ lu bơngai pơma che bơle, Păng lu hơpiĕt mă pơma pơang;

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 64:8

Kră Yang gô pơlôch lu sư, hơpiĕt lu sư gô blah plơ̆ lu sư kơdih; Đĭ-đăng lu bơngai 'bôh lu sư gô tơtreh kơ̆l.

Horiso 7:16

Tơdrong lu sư pơm gô tuh tơ lu sư kơdih. Tơdrong kơnê̆ lu sư kư̆m tuh tơ kơ̆l lu sư.

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Tơdrông Pơđơk 2:22

Mă-lei lu bơngai kơnê̆ đe pơlôch lê̆ đơ̆ng teh đak, Păng lu bơngai hơlĕnh pơdăr gô buch lê̆ đơ̆ng teh noh.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Tơdrông Pơđơk 5:23

Sư gô lôch yua kơ ưh kơ mơ̆ng đei bơtho khan, Sư gô wơ̆l jrok yua kơ ưh kơhlôh kơwao.

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Da 7:24

Mơjĭt tŏ hơke wă khan mơjĭt 'nu pơtao gô iung lĕch đơ̆ng dêh char noh păng gô đei minh 'nu pơtao iung đơ̆ng rŏng, sư phara kơ lu pơtao adrol păng sư gơh blah pơchah pơrăm lê̆ pêng 'nu pơtao.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Lu 9:57

Kră Yang 'Bok Kei-Dei kư̆m pơm tơwih kơ lu kon pơlei Sichem mơ̆n yua kơ dôm tơdrong kơnê̆ mă đêl lu sư pơm. Tơdrong Jôtham kon drŏ-nglo Jêrup Baal hiap đei truh tơ lu sư.