Horiso 94:2 - Sơ̆p Hlabơar Nơ̆r 'Bok Kei-Dei

² Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Horiso 94:2 ပူးပေါင်းရင်းမြစ်များ

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”

Horiso 31:23

Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 68:1

Ơ Kră Yang 'Bok Kei-Dei iung bĕ, pơm ăn kơ lu ayăt kơ Ih tơklah tơklang. Ăn kơ lu bơngai hil areh kơ Sư kơdâu ôn đơ̆ng anăp Sư.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 74:22

Ơ Kră Yang 'Bok Kei-Dei, iung bĕ dŏng tơdrong Ih, Athei 'blŏk bĕ lu kơtul pơjăm Ih prăt năr?

Horiso 82:8

Ơ Kră Yang 'Bok Kei-Dei, iung, sek tơlang bĕ kơ teh đak; Yua kơ đĭ-đăng kon pơlei tơmam Ih ngăl.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Mi 5:9

Kră Yang khan: Inh gô pơrăm đĭ lu aseh păng lu gre aseh lu iĕm đơ̆ng lăm ti lu iĕm.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.