Horiso 94:16 - Sơ̆p Hlabơar Nơ̆r 'Bok Kei-Dei

¹⁶ Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Horiso 94:16 ပူးပေါင်းရင်းမြစ်များ

II Pot 10:15

Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

II Pot 9:32

Jêhu ngơk lăng tơ 'măng-'mŏk na jet: “Tơ kơpal 'noh, bu gah ĭnh? Bu? Na 'bar pêng 'nu kuan krĕo nger lăng tơ sư.

Ne 5:7

Inh kư̆m hiơ̆k gah tơdrong noh, 'maih chrih kơ lu bơngai mơdrŏng păng lu bơngai pơm kuan tih: Inh khan: Lu iĕm chă jên kiĕng đơ̆ng lu 'nhŏng oh bơ̆n! Inh pơtơm akŭm minh khŭl lơ wă jet lu sư.

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 59:2

Apinh pơklaih inh đơ̆ng lu bơngai pơm kơnê̆! Păng pơklaih inh đơ̆ng lu bơngai chă pơlôch đe.

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 63:5

Inh chă lăng mă-lei ưh kơ đei bu tơgŭm. Inh lăng hlĭch yua kơ ưh kơ đei bu dŏng. Na Inh yua kơkŏng ti Inh wă dŏng jei gah Inh. Păng tơdrong Inh hil mĭl dŏng tơgŭm Inh.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!

Mathiơ 12:30

“Iĕm kơchăng hŏ, bu ưh kơ wă kiơ̆ Inh, sư dang ayăt kơ Inh; bu ưh kơ pôm đon hăm Inh, sư gô tơklah tơklang.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.

Lu 5:23

Linh jang Kră Yang khan: Hiap bĕ kon pơlei Mêrơs; Hiap bĕ lu kon pơlei sư mă kơnê̆. Yua kơ lu sư ưh kơ wă tơgŭm Kră Yang, Lu sư ưh kơ đei tơgŭm Kră Yang blah lu bơngai mă pơm kơnê̆ dêh!