Horiso 93:5 - Sơ̆p Hlabơar Nơ̆r 'Bok Kei-Dei

⁵ Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Horiso 93:5 ပူးပေါင်းရင်းမြစ်များ

II Ho 29:5

Sư khan: “Ơ bơngai Lêwi, mơ̆ng inh bĕ! Hơmet bĕ akâu iĕm kơdih rơgoh păng năm hơmet hnam Kră Yang 'Bok Kei-Dei 'bok lu iĕm mă rơgoh păng hơmet hŭt lê̆ bĕ đĭ dôm tơmam kơnê̆ 'mê̆ brư̆ đơ̆ng hnam 'lơ̆ng rơgoh.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:129

Nơ̆r Ih bơtho khan jing hlĭch chrơp tơpă. Thoi noh inh wei răk lu sư.

Horiso 119:138

Ih tơtă boih tơdrong ih bơtho 'lơ̆ng tơpăt, Trŏ kơ lui gơnang tơpă.

Horiso 119:144

Nơ̆r Ih bơtho khan jơ̆ tơpăt ling-lang hlŏng hloi. Ăn kơ inh hlôh wao, wă kơ inh gơh arih.

Horiso 29:2

Kơkuh bĕ kơ Kră Yang mơsêh mơyang Anăn Sư trŏ kơ pơư pơang, iŏk bĕ tơdrong 'lơ̆ng rơgoha na kơkuh kơ Kră Yang.

Horiso 99:5

Athei pôk pơư Kră Yang 'Bok Kei-Dei lu bơ̆n Păng drap kơkuh 'bơ̆t jơ̆ng Sư; Sư boih 'lơ̆ng rơgoh!

Horiso 99:9

Athei pôk pơư bĕ kơ Kră Yang 'Bok Kei-Dei lu bơ̆n, Păng drap kơkuh tơ kơpal kông rơgoh Sư. Yua kơ Kră Yang 'Bok Kei-Dei bơ̆n 'lơ̆ng rơgoh!

Le 28:36

Ih athei pơm minh tŏ plăk maih rơgoh, ih athei chrek nhen thoi đe chrek pơm tơmam tơdra kơtĭt: Pơyơ̆r kơ Kră Yang.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.