Horiso 91:5 - Sơ̆p Hlabơar Nơ̆r 'Bok Kei-Dei

⁵ Ih pă đei hli boih mă tơdrong hli krưp kơmăng, mă 'brơ̆m păr kơ'năr

Horiso 91:5 ပူးပေါင်းရင်းမြစ်များ

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Horiso 112:7

Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Hơri Hiôk 3:8

Đĭ-đăng lu sư chĕp đao gưm ngăl. Păng hơgei juăt kơ tơblah. Rim 'nu lu sư kiĕo đao tơ kơiĕng, Wă kơ răng hli kơ hơyăt kơplah măng mu.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Luka 12:39

Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”